«تيتۋلدى ايقاسقا دەيىن ءبىز تاعى ءبىر مارتە رەيتينگتى كەزدەسۋ ۇيىمداستىرۋدى ءجون كوردىك. جەكپە-جەك ماسكەۋ قالاسىنداعى «بوكس اكادەمياسىندا» وتەتىن بولدى. فيرۋزا ءوز دەڭگەيىن ارتتىرۋى ءتيىس. ارينە, تيتۋلدى كەزدەسۋ وتكىزۋ باستى جوسپارلارىمىزدىڭ ءبىرى», – دەدى سەرگەي زاۆيلەيسكي.
سوڭعى كەزدەسۋىنە بوكسشى قىز جاراقات العان كۇيى شىققانى حابارلانعان. ال مەديتسينالىق تەكسەرىستەن وتكەننەن كەيىن وعان 21 كۇنگە جۇدىرىقتاسۋعا بولمايتىنى ەسكەرتىلدى. ءوز كەزەگىندە سەرگەي زاۆيلەيسكي فيرۋزانى 22 ساۋىردەن كەيىن عانا شارشى الاڭعا شىعاتىنىن مالىمدەگەن بولاتىن.
«دارىگەرلەر ءۇش اپتاعا شەكتەۋ قويدى. ال بۇل مەرزىم 25 ناۋرىز كۇنى اياقتالدى. بۇگىن ول سپاررينگ كەزدەسۋ وتكىزدى. دەڭگەيى ءبارىمىزدىڭ كوڭىلىمىزدەن شىقتى. ارينە, ۇلكەن كەزدەسۋلەرگە شىعا المايدى. بىراق رەيتينگتى ايقاس وتكىزە الادى دەپ ويلايمىز», – دەدى ول.
فيرۋزا ءشارىپوۆانىڭ بۇل جولعى قارسىلاسى دا انىقتالىپتى.
«بۇل جولعى قارسىلاسىمىز 30 جاستاعى رەسەيلىك ۆيكتوريا كوتوۆا. وسىعان دەيىن ول جاۋىنگەرلىك سامبو, قويان-قولتىق ۇرىس, كيكبوكسينگ جانە دزيۋدومەن شۇعىلدانىپتى. ال قازىر كاسىبي بوكسپەن اينالىسىپ ءجۇر», – دەدى ءشارىپوۆانىڭ مەنەدجەرى.
ايتا كەتەيىك, 4 ناۋرىز كۇنى قازاقستاندىق بوكسشى رەسەيلىك يۋليا چەرنوبورودوۆامەن كۇش سىناسىپ, تورەشىلەردىڭ ءبىراۋىز شەشىمىمەن جەڭىسكە جەتكەن بولاتىن.
