ايەلدەر كاسىپكەرلىگىن دامىتۋ ءۇشىن قولعا الىنعان جاڭا جوباسى تۋرالى "استانا بانكى" اق باسقارما توراعاسى ەسكەندىر مايلىباەۆ ءباسپاسوز كونفەرەنتسياسى بارىسىندا مالىمدەدى, دەپ حابارلايدى kapital.kz.
"قازاقستاندا ايەلدەر كاسىپكەرلىگىنىڭ ماڭىزدىلىعىن ەسكەرە وتىرىپ, ءبىز ارنايى جوبا باستادىق. ءبىر جىل بۇرىن ءبىز ايەلدەرگە ارنالعان بانك كارتاسىن شىعارعان ەدىك. بيىل ءساۋىر ايىنان باستاپ وسى كارتا ارقىلى جاسالعان تولەمنىڭ 0,7 پايىزى ايەلدەر كاسىپكەرلىگىن دامىتۋ ءۇشىن ايەلدەر كوشباسشىلىعى قورىنا اۋدارىلاتىن بولادى. ونى بانك ءوز موينىنا الادى. ناتيجەسىندە, تۇتىنۋشى بانك كارتاسى ارقىلى ساۋدا جاساي وتىرىپ, ايەلدەر كاسىپكەرلىگىنىڭ دامۋىنا ۇلەس قوسادى", - دەدى مايلىباەۆ.
ءساۋىر ايىنىڭ باسىندا www.pinkproject.kz سايتى ىسكە قوسىلادى. ونداعى ماقسات ايەلدەرگە قازاقستان بيزنەس جاساۋ تۋرالى اقپارات بەرۋ. وندا ايەلدەر كاسىپكەرلىگىن قارجىلاندىرۋ تۋرالى بارلىق اقپارات بولادى. سونىمەن قاتار, وسى سايت ارقىلى نازىك جاندى كاسىپكەرلەر وزدەرىنە سەرىكتەستەر دە تابا الادى.
ايەلدەر كوشباسشىلىعى قورىنىڭ جوبالىق ديرەكتورى سۆەتلانا بوگاتىرەۆانىڭ ايتۋىنشا, وسى جوبا اياسىندا اسلماتى, استانا, قاراعاندى, ورال مەن شىمكەنتتە وقىتۋ كونفەرەنتسيالارى وتەدى.
جوبا اياسىندا تەك ءىرى قالالارداعى عانا ەمەس, سونىمەن قاتار شاعىن قالالارداعى كەمىندە 500 ايەلدەردى كاسىپكە تارتۋ جوسپارلانعان.
