اعىمداعى جىلدىڭ ناۋرىز ايىنىڭ سوڭىنا «قازاگرو» ۇلتتىق باسقارۋشى حولدينگى قۇرىلىمىنا ەنەتىن «قازاگروقارجى» اكتسيونەرلىك قوعامىنا قۇنى 11 ملرد تەڭگەدەن اسا سوماعا كوكتەمگى-ەگىس جۇمىستارىن جۇرگىزۋگە ارنالعان اۋىل شارۋاشىلىعى تەحنيكاسىن ساتىپ الۋعا 811 ءوتىنىم كەلىپ ءتۇستى, دەپ حابارلايدى "قازاگرو"-نىڭ ءباسپاسوز قىزمەتى.
بۇگىنگى تاڭدا اگرارشىلارمەن 2,4 ملرد تەڭگەگە 299 تەحنيكا ساتىپ الۋعا قارجى ليزينگىنىڭ شارتتارى جاسالىپ تا قويعان. سونىمەن قاتار, 1,8 ملرد تەڭگە سوماسىنا 116 ءوتىنىم ماقۇلداندى, قالعاندارى قاراۋدا جاتىر.
ەستەرىڭىزگە سالا كەتەيىك, 2016 جىلعى 28 جەلتوقساندا اۋىل شارۋاشىلىعى تەحنيكاسى مەن جابدىقتاردىڭ ليزينگىسىنە ارنالعان سىياقى مولشەرلەمەسى جىلدىق 19 پايىزدان 17,3 پايىزعا عا تومەندەتىلگەن.
ەڭ كوپ ءوتىنىم شىعىس قازاقستان (124) جانە الماتى (112) وبلىستارىندا, ال ەڭ از ءوتىنىم اقمولا (15) جانە پاۆلودار (17) وبلىستارىندا تىركەلگەن.
2016 جىلدىڭ قورتىندىسى بويىنشا, «قازاگروقارجى» اق 51,8 ملرد. تەڭگە سوماسىنا 3 مىڭ بىرلىكتەن اسا تەحنيكا ساتىپ الۋدى قارجىلاندىردى. قازىرگى ۋاقىتتا قازاقستانعا اكەلىنگەن اۋىل شارۋاشىلىعى تەحنيكاسىنىڭ ءاربىر ەكىنشىسى «قازاگروقارجى» اق قارجىلاي قولداۋىنىڭ ارقاسىندا ساتىپ الىنعان.
