ءسوز بارىسىندا ەلشى قازاقستان مەن وڭتۇستىك كورەيا اراسىنداعى كوپقىرلى ىنتىماقتاستىق بارلىق باعىتتاردا (ەكونوميكا, ينۆەستيتسيالار, ەنەرگەتيكا, مادەنيەت جانە ت.ب. سالالاردا) دامىپ كەلە جاتقانىن ايتتى, دەپ حابارلايدى قر ءسىم ءباسپاسوز قىزمەتى.
«90-شى جىلداردىڭ باسىندا ەكى ەل ءبىر-ءبىرى تۋرالى از ءبىلۋشى ەدى, 90-شى جالداردىڭ ورتاسىندا ەكىجاقتى قۇقىقتىق بازاسىن ساپالى جانە پەرسپەكتيۆالى قۇجاتتارمەن تولىقتىرا باستادىق. وسى عاسىردىڭ ءبىرىنشى ونجىلدىعىندا ءبىز ستراتەگيالىق ارىپتەستىك ساتىسىنا شىعىپ, قازىر استانا مەن سەۋل ونى بەلسەندى تۇردە كەڭەيتۋدە» - دەدى د. باقىشەۆ.
2016 جىلدىڭ 9-11 قاراشاسىندا قر پرەزيدەنتى ن.ءا.نازارباەۆتىڭ كورەيا رەسپۋبليكاسىنا جاساعان مەملەكەتتىك ساپارىنىڭ ناتيجەسى بويىنشا قول جەتكىزىلگەن ۋاعدالاستىقتار ىسكە اسىرۋ اياسىندا, سونداي-اق وڭتۇستىك كورەيامەن ەكىجاقتى ساۋدا-ينۆەستيتسيالىق ىنتىماقتاستىقتى ودان ءارى قارقىنداتۋ ءۇشىن 2017 جىلى ساۋدا-ەكونوميكالىق جانە عىلىمي-تەحنيكالىق ىنتىماقتىق جونىندەگى قازاقستان-وڭتۇستىك كورەيا ۇكىمەتارالىق كوميسسيانىڭ 8-ءشى وتىرىسى ءوتۋى جوسپارلانۋدا.
«قازاقستان نارىعىندا ەنشىسىن العان ۇلكەن كورەي بيزنەسى, كورەي ەلىنىڭ شاعىن جانە ورتا بيزنەسىنىڭ قازاقستاندا اشىلۋىنا سەبەپشى بولدى. بۇگىن, قازاقستاندا جۇمىس ىستەيتىن بىرلەسكەن قازاق-كورەي كاسىپورىندارىنىڭ سانى 400-دەن اسادى, بۇل كورسەتكىش وسە ءتۇسۋى كۇتىلۋدە», - دەپ اتاپ ءوتتى د. باقىشەۆ.
مادەني-گۋمانيتارلى ىنتىماقتاستىق شەڭبەرىندە ەلشى بۇگىنگى كۇنى وڭتۇستىك كورەيانىڭ كوپتەگەن جوعارعى وقۋ ورىندارىندا ەۋرازيا جانە ورتالىق ازيا باعىتتارىن, ونىڭ ىشىندە قازاقستاندى زەرتەيتىن كوپتەگەن كافەدرالار اشىلۋدا ەكەنىن حابارلادى. «مىسالى, وڭتۇستىك كورەيا ازاماتتارىنىڭ قازاق ءتىلى, ەلىمىزدىڭ مادەنيەتى مەن تاريحىن وقۋىنا مۇمكىندىك الاتىن حانكۋك شەت تىلدەر ۋنيۆەرسيتەتىندە اشىلعان قازاق ءتىلى كافەدراسى سياقتى وسىنداي بولىمشەلەر بولاشاقتا, كورەيانىڭ الدىڭعى قاتارلى وقۋ ورىندارىندا, اتاپ ايتقاندا, حانيان, كۋكمين, كاننام, ادجۋ جانە باسقا ۋنيۆەرسيتەتتەرىندە اشىلماقشى», - دەپ ناقتىلادى د. باقىشەۆ.
«ەكسپو-2017» حالىقارالىق ماماندىرىلعان كورمەسىنە بيلەت ساتىلىمىنىڭ اشىلۋىنان بەرى وڭتۇستىك كورەيا ازاماتتارى كورمەگە بيلەت ساتىپ العان, سونىڭ ىشىندە ونلاين رەجيم ارقىلى, تۇڭعىش ىقتيمال قاتىسۋشىلار قاتارىنا ەندى.
