شەتەلدىكتەردىڭ قازاقستان نارىعىنا كىرۋى ءۇشىن قانداي تالاپتار قويىلاتىنى تۋرالى ەۋروپالىق وداق جوباسى جەتەكشىسى سۆەتلانا ءالجانوۆا ايتىپ بەردى, دەپ حابارلايدى LS.
قازاقستاننىڭ دسۇ الدىنداعى مىندەتتەمەسىنە ساي, بەس جىلدان كەيىن شەتەلدىك بانكتەر ءبىزدىڭ ەلدە بولىمشەلەرىن اشا الادى.
"قازاقستاندىق ەمەس بانكتەردىڭ ءوز بولىمشەلەرىن قازاقستاندا اشۋ ءۇشىن ولاردىڭ اكتيۆى 20 ملرد دوللاردان اسۋى كەرەك جانە جەكە تۇلعالاردان قابىلدايتىن دەپوزيتتەردىڭ مينيمالدى كولەمى 120 مىڭ دوللاردان اسۋى كەرەك", - دەدى جوبا جەتەكشىسى.
ءالجانوۆانىڭ ايتۋىنشا, شەتەلدىك بانكتەر ەلدە تىكەلەي بولىمشە اشۋ ءۇشىن قازاقستان ولاردى اكتسيونەرلى قوعام رەتىندە تىركەلۋىن تالاپ ەتەدى.
ال شەتەلدىك ساقتاندىرۋ كومپانيالارى ءۇشىن دە وسىنداي تالاپتار بار. ولار دا بەس جىلدان كەيىن ءوز بولىمشەلەرىن اشا الادى.
"ولاردى كەمىندە قازاقستاننىڭ ەكى رەزيدەنتى باسقارۋى كەرەك. سونىمەن قاتار, ولاردىڭ اكتيۆى كەمىندە 5 ملرد دوللار بولۋى كەرەك. بۇدان بولەك, قازاقستان ولاردىڭ قىزمەت ءوتىلىنىڭ كەمىندە 10 جىل بولۋى كەرەكتىگى تۋرالى تالاپ قويا وتىرىپ, بەلگىلى ءبىر سەكتور مەن ساقتاندىرۋ سىنىبىنا شەكتەۋ جاساي الادى", - دەدى ءالجانوۆا.
بۇلاردان بولەك, كەڭەس بەرۋ قىزمەتى سالاسىنداعى كومپانيالارعا دا وسى سالادا كەمىندە بەس جىل جۇمىس ىستەگەن بوۋلى جانە ونداعى شەتەلدىك قىزمەتكەرلەر سانىنىڭ كەمىندە 25 پايىز بولۋى تۋرالى تالاپتار بار.
ءوز كەزەگىندە قازاقستان ولارعا بارلىق قۇرىلىس جانە ينجەنەرلىك قىزمەتتەردى اشىپ, تاسىمالداۋ مەن كۋرەرلىك قىزمەتتەردى ۇسىنادى.
