2017 جىلعى 10 اقپان №44 استانا, ۇكىمەت ءۇيى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ۇلتتىق باسقارۋشى حولدينگ, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ۇيىمدار جۇزەگە اسىراتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 28 مامىرداعى № 787 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 27-28, 245-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن ۇلتتىق باسقارۋشى حولدينگ, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ۇيىمدار جۇزەگە اسىراتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدىڭ ۇلگى ەرەجەسىندە:
2-تارماقتىڭ 8) تارماقشاسى مىناداي رەداكتسيادا جازىلسىن:
«8) ساتىپ الۋ – تاپسىرىس بەرۋشىلەردىڭ مىنالاردى: ەڭبەك شارتتارى بويىنشا جەكە تۇلعالاردا نە قىزمەتتەردى وتەمدى كورسەتۋ شارتتارى بويىنشا كاسىپكەرلىك قىزمەت سۋبەكتىلەرى بولىپ تابىلمايتىن جەكە تۇلعالاردا جۇزەگە اسىرىلاتىن كورسەتىلەتىن قىزمەتتەردى ساتىپ الۋدى;
جارنالاردى (سالىمداردى), ونىڭ ىشىندە جاڭادان قۇرىلاتىن زاڭدى تۇلعالاردىڭ جارعىلىق كاپيتالىنا ەنگىزۋدى;
زاڭدى تۇلعالاردىڭ جارعىلىق كاپيتالىنداعى ۇلەستى ساتىپ الۋدى;
قازاقستان رەسپۋبليكاسىنىڭ حالىقارالىق شارتتارىنا سايكەس, سونداي-اق قازاقستان رەسپۋبليكاسى مۇشەسى بولىپ تابىلاتىن حالىقارالىق ۇيىمدار قارجىلاندىراتىن ينۆەستيتسيالىق جوبالاردى ىسكە اسىرۋ شەڭبەرىندە جۇزەگە اسىرىلاتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدى;
قازاقستان رەسپۋبليكاسىنىڭ ۇلتتىق بانكى, بانكتەر جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار قازاقستان رەسپۋبليكاسىنىڭ زاڭناماسىنا سايكەس الىنعان ليتسەنزيالاردىڭ نەگىزىندە جۇزەگە اسىراتىن بانك وپەراتسيالارىن جۇرگىزۋگە بايلانىستى قارجى قىزمەتتەرىن ساتىپ الۋدى;
قازاقستان رەسپۋبليكاسىنىڭ ەلەكتر ەنەرگەتيكاسى, ەلەكتر جانە (نەمەسە) جىلۋ ەنەرگياسى تۋرالى زاڭناماسىنا سايكەس ورتالىقتاندىرىلعان ساۋدا-ساتتىقتا, سپوت نارىعىندا قازاقستان رەسپۋبليكاسىنىڭ جاڭارتىلاتىن ەنەرگيا كوزدەرىن پايدالانۋدى قولداۋ سالاسىنداعى زاڭناماسىنا سايكەس جۇزەگە اسىراتىن بىلىكتى ەنەرگيا ءوندىرۋشى ۇيىمداردان تەڭگەرىمدەلگەن ەلەكتر ەنەرگياسىن, ەلەكتر ەنەرگياسىن ساتىپ الۋدى;
تەڭىز پورتىندا الىناتىن الىمدار مەن تولەمدەردى تولەۋدى;
ءىسساپار شىعىستارىنا وتەماقى تولەۋدى;
باسقارۋ ورگانىنىڭ جانە باقىلاۋ كەڭەسىنىڭ مۇشەلەرىنە سىياقىلار تولەۋدى;
قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلاتىن اۋىل شارۋاشىلىعى ونىمدەرىن جانە ونىڭ قايتا وڭدەلگەن ونىمدەرىن, سونداي-اق ولاردى ساقتاۋ, وڭدەۋ جانە تاسىمالداۋ جونىندەگى كورسەتىلەتىن قىزمەتتەردى ساتىپ الۋدى;
ۇلتتىق باسقارۋشى حولدينگتىڭ ستراتەگيالىق كونسۋلتاتيۆتىك-كەڭەسشى ورگانىنىڭ قىزمەتىن قامتاماسىز ەتۋ ءۇشىن ۇلتتىق باسقارۋشى حولدينگتىڭ كورسەتىلەتىن قىزمەتتەردى ساتىپ الۋىن;
وتاندىق جانە شەتەلدىك سەلەكتسيانىڭ اسىل تۇقىمدى مالدارى مەن اۋىل شارۋاشىلىعى مالدارىن ساتىپ الۋدى;
استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامىنىڭ وكىلدىك شىعىستارىنا بايلانىستى تاۋارلاردى جانە كورسەتىلەتىن قىزمەتتەردى ساتىپ الۋدى;
استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامىنىڭ ارالىق سوتتا داۋدى شەشۋىنە بايلانىستى تورەلىك الىمدار مەن شىعىستاردى تولەۋىن قوسپاعاندا, تاپسىرىس بەرۋشىنىڭ جۇمىس ىستەۋىن, سونداي-اق فۋنكتسيالارىن نە جارعىلىق قىزمەتىن قامتاماسىز ەتۋ ءۇشىن قاجەتتى وسى ۇلگى ەرەجەدە, سونداي-اق ازاماتتىق زاڭنامادا بەلگىلەنگەن تارتىپپەن اقىلى نەگىزدە جۇزەگە اسىرىلاتىن ساتىپ الۋى.»;
6-تارماق مىناداي رەداكتسيادا جازىلسىن:
«6. تاپسىرىس بەرۋشى ساتىپ الۋ جوسپارىن بەكىتكەن كۇننەن باستاپ بەس جۇمىس كۇنى ىشىندە, سونداي-اق ساتىپ الۋ جوسپارىنا وزگەرىستەر جانە (نەمەسە)
تولىقتىرۋلار ەنگىزىلگەن كۇننەن باستاپ بەس جۇمىس كۇنى ىشىندە وسى ۇلگى ەرەجەگە 1-قوسىمشاعا سايكەس نىسان بويىنشا تاۋارلاردى, جۇمىستاردى جانە كورسەتىلەتىن قىزمەتتەردى جوسپارلاناتىن ساتىپ الۋ جونىندەگى اقپاراتتى مەملەكەتتىك ساتىپ الۋدىڭ ۆەب-پورتالىندا نە استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامى ساتىپ الۋ جوسپارىن بەكىتكەن جانە وعان وزگەرىستەر جانە (نەمەسە) تولىقتىرۋلار ەنگىزگەن جاعدايدا, تاپسىرىس بەرۋشىنىڭ رەسمي ينتەرنەت-رەسۋرسىندا ورنالاستىرادى.»;
12-تارماق مىناداي رەداكتسيادا جازىلسىن:
«12. وسى ۇلگى ەرەجەنىڭ 11-تارماگىندا كوزدەلگەن تاسىلدەرمەن ساتىپ الۋدى جۇرگىزۋ راسىمدەرىن تاپسىرىس بەرۋشى ساتىپ الۋ قاعيدالارىن ازىرلەۋ كەزىندە بەلگىلەيدى.
تاپسىرىس بەرۋشىلەر يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگان بەلگىلەگەن نىسان بويىنشا جانە مەرزىمدە وعان تاۋارلار مەن كورسەتىلەتىن قىزمەتتەردى ساتىپ الۋداعى جەرگىلىكتى قامتۋ جونىندە اقپارات بەرەدى.
ۇلتتىق باسقارۋشى حولدينگتىڭ جانە اكتسيالارىنىڭ (جارعىلىق كاپيتالداعى قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە تيەسىلى ۇيىمداردىڭ تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋىنداعى جەرگىلىكتى قامتۋ جونىندەگى اقپارات شوعىرلاندىرىلىپ, ۇلتتىق باسقارۋشى حولدينگ اتىنان يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگانعا ول بەلگىلەگەن نىسان بويىنشا جانە مەرزىمدە بەرىلەدى.
ساتىپ الۋ قاعيدالارى استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامىنىڭ رەسمي ينتەرنەت-رەسۋرسىندا حابارلاندىرۋلاردى مىندەتتى تۇردە جاريالاۋ تۋرالى تالاپتار بولۋى ءتيىس ونىڭ ساتىپ الۋ تۋرالى قاعيدالارىن قوسپاعاندا, وسى ۇلگى ەرەجەنىڭ 11-تارماعىنىڭ 1), 2) جانە 3) تارماقشالارىندا كوزدەلگەن تاسىلدەرمەن جۇزەگە اسىرىلاتىن ساتىپ الۋدىڭ جۇزەگە اسىرىلۋى جانە ساتىپ الۋ قورىتىندىلارى تۋرالى حابارلاندىرۋلاردى مەملەكەتتىك ساتىپ الۋ ۆەب-پورتالىندا مىندەتتى تۇردە ورنالاستىرۋ تۋرالى تالاپتاردى قامتۋعا ءتيىس.»;
18-تارماقتا:
3) تارماقشا مىناداي رەداكتسيادا جازىلسىن:
«3) استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامى جۇرگىزەتىن تولەمدى قوسپاعاندا, ارالىق سوتتاعى داۋدى شەشۋگە بايلانىستى تورەلىك الىمدار مەن شىعىستاردى تولەسە;»;
37) تارماقشا مىناداي رەداكتسيادا جازىلسىن:
«37) استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامى ساتىپ الاتىن تاۋارلار مەن كورسەتىلەتىن قىزمەتتەردى قوسپاعاندا, وكىلدىك شىعىستارعا بايلانىستى تاۋارلاردى جانە كورسەتىلەتىن قىزمەتتەردى ساتىپ السا;»;
20-1-تارماق مىناداي رەداكتسيادا جازىلسىن:
«20-1. تاپسىرىس بەرۋشى اي سايىن, ەسەپتى كەزەڭنەن كەيىنگى ايدىڭ 25-كۇنىنەن كەشىكتىرمەي وسى ۇلگى ەرەجەگە 2-قوسىمشاعا سايكەس نىسان بويىنشا مەملەكەتتىك ساتىپ الۋ ۆەب-پورتالىندا نە استانا قالاسىندا ەكسپو-2017 حالىقارالىق مامانداندىرىلعان كورمەسىن ۇيىمداستىرۋ جانە وتكىزۋ كەزەڭىندە «استانا ەكسپو-2017» ۇلتتىق كومپانياسى» اكتسيونەرلىك قوعامى اقپارات ورنالاستىرعان جاعدايدا تاپسىرىس بەرۋشىنىڭ رەسمي ينتەرنەت-رەسۋرسىندا ساتىپ الىنعان تاۋارلار, جۇمىستار جانە كورسەتىلەتىن قىزمەتتەر تۋرالى اقپاراتتى ورنالاستىرادى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ب.ساعىنتاەۆ
