موبيلدىك قوسىمشا نەگىزىندە ۇلتتىق بانكتىڭ جۇمىسى تۋرالى پايدالى اقپاراتتىق رەسۋرستى ازىرلەۋ يدەياسى عانا ەمەس, رەتتەۋشىگە جانە قاراپايىم قازاقستاندىقتارعا اقپارات الماسىپ, سۇراقتار قويىپ, ونلاين رەجىمىندە تۇسىنىكتەمەلەر الۋعا مۇمكىندىك بەرەتىن ينتەراكتيۆتى قۇرال جاتىر.
وتكەن جىلدىڭ قاراشاسىندا ىسكە قوسىلعان قوسىمشانى ناۋرىزدىڭ باسىنداعى جاعداي بويىنشا Play Market جانە App Store دۇكەندەرىندە ءۇش مىڭنان اسا ادام تەگىن جۇكتەپ العان. قوسىمشا پايدالانۋشىلاردىڭ تاۋلىك ىشىندەگى سۇراقتارىنا ۇلتتىق بانكتىڭ قۇزىرەتتى قىزمەتكەرلەرىنەن «كەرى بايلانىس» الۋ مۇمكىندىگىن بەرەدى. بۇل كوپتەگەن سايتتاردا پايدالانۋشىلاردىڭ سۇراقتارىنا جاۋاپتار ولاردىڭ سۇراتۋلارىنداعى نەگىزگى سوزدەردى تالدايتىن ارنايى الگوريتمدەردىڭ نەگىزىندە روبوتتار جاۋاپ بەرەتىن اۆتوماتتى كونسۋلتاتسيالاردان الدەقايدا پايدالى. قوسىمشا جۇمىس ىستەگەن ۋاقىت ىشىندە تىركەلگەن پايدالانۋشىلاردان مىڭعا جۋىق سۇراتۋ مەن ءوتىنىش كەلىپ ءتۇستى. تىركەلگەن پايدالانۋشىلاردىڭ نەگىزگى سۇراقتارى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ تاقىرىبىنا, بانكنوتتار مەن مونەتالاردى ساتىپ الۋ, ساتۋ جانە ايىرباستاۋ, بانكتىك قىزمەت كورسەتۋ, تولەم كارتوچكالارى جانە ت.ب. ماسەلەلەرگە قاتىستى.
قوسىمشانىڭ وزەكتىلىگى ءبىرقاتار فاكتورلارعا بايلانىستى. بىرىنشىدەن, سوڭعى ۋاقىتتا حالىقتىڭ قارجىلىق ساۋاتتىلىعى ايتارلىقتاي ءوستى, كوپتەگەن قازاقستاندىقتار قارجىلىق قىزمەتتەردىڭ بەلسەندى پايدالانۋشىلارى بولىپ تابىلادى, ۆاليۋتا نارىعىنداعى جاڭالىقتاردى مۇقيات قاداعالايدى, ايىرباستاۋ باعامىن قالىپتاستىرۋعا اسەر ەتەتىن فاكتورلاردى تالدايدى. ەكىنشىدەن, ينتەرنەت-تەحنولوگيالاردىڭ دامۋى جانە موبيلدىك قوندىرعىلاردىڭ كەڭىنەن تارالۋى سمارتفونداعى نەمەسە پلانشەتتەگى موبيلدىك قوسىمشانى پايدالانۋشى ءۇشىن رەتتەۋشىنىڭ قىزمەتى مەن قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا ۇلتتىق بانكپەن شۇعىل ءوزارا ءىس-قيمىل جاساۋ ءۇشىن ەڭ ىڭعايلى قۇرال ەتتى. سونىمەن بىرگە «قۇب Online» موبيلدىك قوسىمشاسىن پايدالانۋشىلار ۇلتتىق بانك تۋرالى اقپارات پەن جاڭالىقتى العاشقىلاردىڭ ءبىرى بولىپ بىلەدى.
«تاماشا قوسىمشا. مەن ونى قۋانا پايدالانىپ ءجۇرمىن. باستى تيىمدىلىگى – ۇنەمى جاڭارىپ وتىراتىن جاڭالىقتار جولاعىنان باسقا, ۇلتتىق بانكتىڭ ماماندارىنا ناقتى سۇراق قويۋعا بولادى. ەڭ باستىسى – پايدالانىلۋى قاراپايىم, جۇكتە دە, پايدالانا بەر. بۇل «نبك Online» قوسىمشاسىنىڭ باسقا بلوگتاردان ەرەكشەلىگى, باسقالارىندا قانداي دا ءبىر ۆەدومستۆوعا ءوتىنىش جاساۋ ءۇشىن ەلەكتروندى تسيفرلى قولتاڭبا, ارنايى سوفت جانە ت.ب. قاجەت بولادى», دەپ جازىپتى قوسىمشانى پايدالانۋشىلاردىڭ ءبىرى ازىرلەۋشىلەرگە جازعان ءتۇسىنىكتەمەسىندە.
«قۇب Online» قوسىمشاسى مىناداي نەگىزگى جەتى ايداردان تۇرادى: «بانكنوتتار مەن مونەتالار», «يپوتەكالىق كرەديتتەر», «ايىرباستاۋ وپەراتسيالارى», «بانكتەردە قىزمەت كورسەتۋ», «تولەمدەر», «بانكوماتتاردىڭ جۇمىسى», «وزگە».
«بانكنوتتار مەن مونەتالار» ءبولىمى پايدالانۋشىعا توزعان بانكنوتتار مەن ب ۇلىنگەن مونەتالاردى ايىرباستاۋ تۋرالى, ينۆەستيتسيالىق جانە كوللەكتسيالىق مونەتالاردى ساتۋ تۋرالى اقپاراتتى ءبىلىپ وتىرۋعا, باعالى مەتالداردان جاسالعان مونەتالاردى ساقتاۋ جونىندە ۇسىنىمدار الۋعا مۇمكىندىك بەرەدى.
«يپوتەكالىق كرەديتتەر» بولىمىندە يپوتەكالىق كرەديتتەۋ, قارىزداردى قايتا قارجىلاندىرۋ بويىنشا, تولەم جاساۋعا قابىلەتسىز قارىز الۋشىلارمەن جۇرگىزىلەتىن جۇمىس جانە ت.ب. بويىنشا مازالايتىن سۇراقتاردى قويا الادى.
«ايىرباستاۋ وپەراتسيالارى» جانە «بانكوماتتار» ايدارلارى ايىرباستاۋ پۋنكتتەرىمەن جانە بانكوماتتارمەن بايلانىستى ماسەلەلەر بويىنشا جاۋاپ الۋ مۇمكىندىگىن كوزدەيدى. وسى جەردە قارجىلىق قىزمەتتەردى پايدالانۋشىلار وزدەرىنىڭ پىكىرىنشە ايىرباستاۋ پۋنكتتەرى جول بەرىپ وتىرعان بۇزۋشىلىقتارعا شاعىمدانىپ, جۇمىس ىستەمەيتىن بانكوماتتار جانە تاعى دا باسقالارى تۋرالى حابارلاي الادى.
ءوز كەزەگىندە «تولەمدەر» ءبولىمىندە بانك شوتىنان تولەمدەر مەن اقشا اۋدارىمدارىن بانك شوتىن اشپاي, تولەم كارتوچكاسىن پايدالانا وتىرىپ, سونداي-اق, حالىقارالىق اقشا اۋدارۋ جۇيەلەرى ارقىلى جۇرگىزۋ تالاپتارى مەن تارتىبىنە قاتىستى اقپاراتتى الۋعا بولادى.
«قۇب Online» موبيلدىك قوسىمشاسىنىڭ كومەگىمەن الىناتىن ۇلتتىق بانك ماماندارىنىڭ كونسۋلتاتسيالارى اقپاراتتىق-ءتۇسىندىرۋ سيپاتىندا ەكەندىگىن ەستە ساقتاۋ قاجەت. ەگەر پايدالانۋشىعا رەتتەۋشىنىڭ رەسمي جاۋابى قاجەت بولسا, مۇنداي جاعدايدا «جەكە جانە زاڭدى تۇلعالاردىڭ ءوتىنىشتەرىن قاراۋ ءتارتىبى تۋرالى» قازاقستان رەسپۋبليكاسىنىڭ زاڭىندا كوزدەلگەندەي ۇلتتىق بانككە ءوتىنىش جاساۋعا كەڭەس بەرىلەدى. سونىمەن قاتار ءاربىر ازامات ءوزىن قىزىقتىراتىن ماسەلەلەر بويىنشا رەسمي جاۋاپ الۋ ءۇشىن ازاماتتاردى قابىلداۋ كەستەسىنە سايكەس قرۇب باسشىلىعىنىڭ جەكە قابىلداۋىنا جازىلا الادى.
«نبك Online» قوسىمشاسىنىڭ پايداسى مەن ارتىقشىلىعىن ايتقاندا مۇنىڭ «ەكىجاقتى قوزعالىستاعى» بايلانىس ارناسى ەكەندىگىن ءتۇسىنۋ ماڭىزدى. ەگەر پايدالانۋشىلار ونىڭ كومەگىمەن مامانداردىڭ كەڭەسى مەن قارجى نارىقتارى تۋرالى سوڭعى جاڭالىقتاردى الاتىن بولسا, ۇلتتىق بانك قىزمەتكەرلەرى بۇل قۇرالدى پايدالانۋشىلاردىڭ كوڭىل-كۇي جانە مۇددە ينديكاتورىن ايقىنداۋ ءۇشىن پايدالانادى, ال ونىڭ نەگىزىندە ازاماتتاردىڭ وتىنىشتەرىنە تالداۋ جاساۋ جاتىر. بۇل – جۇمىسىمىزدا پايدالانىلاتىن باعا جەتپەس اقپارات», دەپ اتاپ ءوتتى قرۇب قارجىلىق قىزمەتتەردى تۇتىنۋشىلاردىڭ قۇقىعىن قورعاۋ جانە سىرتقى كوممۋنيكاتسيالار باسقارماسىنىڭ باستىعى الەكساندر تەرەنتەۆ.
