س.سارسەنوۆتى وتكەن جىلى الماتىدا «قايرات» پەن رەسەيدىڭ «ورەنبۋرگ» كوماندالارى جولداستىق كەزدەسۋ وتكىزگەندە كورگەنبىز. سول كەزدە از-كەم سۇحباتتاسىپ, پىكىرىن دە بىلگەن ەدىك.
– نوۆوترويتسك قالاسىنىڭ تۋماسىمىن. فۋتبولمەن جەتى جاسىمنان اينالىستىم. بالا كەزىمنەن-اق وسى سپورت ءتۇرىن جاقسى كوردىم. وزگە بالالار سەكىلدى مەن دە الا دوپ ويناۋدى اۋلادان باستادىم. كەيىننەن مەكتەپتە قىر-سىرىن ۇيرەندىك. سوسىن سپورت مەكتەبىنە باردىم, – دەپ ەدى ول.
فۋتبولشى كارەراسىن 2013 جىلى ءوزى تۋعان قالاداعى «نوستا» كومانداسىنان باستاعان. ال سوڭعى ءۇش جىلىن «ورەنبۋرگ» كلۋبىنىڭ دۋبلىندە وتكىزىپتى. بيىلعى جىلى ءدۋبلدىڭ كاپيتانى بولدى. جاسوسپىرىمدەر ليگاسىندا بەس ماتچتا ءۇش گول سوققان.
«قايرات» كلۋبىنىڭ ءباسپاسوز قىزمەتى تاراتقان مالىمەت بويىنشا, سارسەنوۆ ءبىرىنشى ليگادا وينايدى. بيىلعى ماۋسىمدا «قايرات اكادەميا» ءبىرىنشى ليگاعا جولداما العان ەدى. چەمپيونات 15 ساۋىردە باستالادى.
ايتا كەتەرلىگى, سامات ءسارسەنوۆ – قۇجات بويىنشا رەسەي ازاماتى. قازاقستان چەمپيوناتىندا ول لەگيونەر بولىپ سانالادى. ءتىپتى, ءبىزدىڭ ەلدىڭ ازاماتتىعىن السا دا, ۇلتتىق قۇراما نەمەسە جاستار قۇراماسى ساپىندا ءبىر ويىن وتكىزبەسە, لەگيونەر بولىپ قالا بەرەدى. سەبەبى, ول «قازاقستان فۋتبولىنىڭ تۇلەگى» ەمەس.
بەك تولەۋوۆ,
جۋرناليست
استانا
