سوعان سايكەس ۇكىمەت باسشىسى اقتوبە قالاسىنىڭ كەڭەس نوكين اۋىلى تۇسىندا اۋىلشارۋاشىلىق تاجىريبە ستانساسىنىڭ ماڭىندا ورنالاسقان جاڭا جىلىجاي كەشەنىنىڭ جاي-كۇيىمەن تانىستى. بۇل قۇرىلىم رەسپۋبليكامىزداعى يندۋستريالىق-يننوۆاتسيالىق دامۋ باعدارلاماسىنا سايكەس تۇرعىزىلعان. جوبانىڭ جالپى قۇنى 5 ميلليارد 740 ميلليون تەڭگەنى قۇرايدى. قازىر ءوڭىر تۇرعىندارىن قيار, قىزاناق سەكىلدى كوكونىس ونىمدەرىمەن قامتۋ مولشەرى 55 پايىزدى قۇراپ وتىر. الداعى 2018 جىلى اتالعان جىلىجاي كەشەنى تولىق قۋاتىنا كىرگەن كەزدە بۇل مولشەر 100 پايىزدى قۇراماق. سونىمەن بىرگە, اتالعان ونىمدەردى ەكسپورتقا شىعارۋ دا قاراستىرىلۋدا.
پرەمەر-مينيستر وبلىستاعى جۇمىس ساپارى بارىسىندا جىلىجاي كەشەنى قۇرىلىسىنا وڭ باعا بەردى. كولەمى 9,5 گەكتاردان اساتىن كەشەن قۋاتى جىلىنا التى مىڭ توننا ءونىم وندىرۋگە ارنالعان. وسى جەردە وڭىردەگى اگرارلىق سەكتور ماماندارىمەن پىكىر الماسقان باقىتجان ساعىنتاەۆ ەلباسى ن.ءا.نازارباەۆتىڭ بيىلعى جولداۋىندا ايتىلعان اگرارلىق سەكتور ەكونوميكانىڭ جاڭا درايۆەرىنە اينالۋ كەرەكتىگىنەن تۋىندايتىن مىندەتتەر جونىندە ايتىپ بەردى. سودان سوڭ ۇكىمەت باسشىسى جىلىجايدا ۇيىمداستىرىلعان ازىق-ت ۇلىك ونىمدەرىنىڭ كورمەسىمەن تانىستى.
بۇگىن باقىتجان ساعىنتاەۆتىڭ جۇمىس ساپارى ودان ءارى جالعاسادى.
تەمىر قۇسايىن,
«ەگەمەن قازاقستان»
اقتوبە وبلىسى
