«ەلباسىنىڭ بەيبىت ساياساتى مەن ەكونوميكالىق رەفورمالارى ارقاسىندا قازاقستان جاعدايى ناشار ەلدەر ءۇشىن تارتىمدى بولۋى مۇمكىن. وسىنى ەسەپكە الىپ, كوشى-قون جاعدايىنىڭ ۋشىعۋىن كۇتپەي, كوشى-قوندى رەتتەۋ مەن ۇلتتىق بىرلىكتى ساقتاۋ شارالارىن دايىنداۋ كەرەك دەپ ويلايمىز. ەڭ الدىمەن «ازاماتتىق تۋرالى» زاڭعا وزگەرىس ەنگىزىپ, ازاماتتىق العىسى كەلەتىندەر ءۇشىن قازاقستان رەسپۋبليكاسىنىڭ كونستيتۋتسياسىن, مادەنيەتى مەن تاريحىن, تىلدىك ساياساتىن ءبىلۋ بويىنشا ەمتيحان نورمالارىن جاساۋ كەرەك», – دەيدى «اق جول» پارتياسى اتىنان سۇرانىس وقىعان ازات پەرۋاشەۆ.
دەپۋتات مۇندا ەش كەمسىتۋ جوقتىعىن ايتادى.
«10-باپقا سايكەس رەسپۋبليكا ازاماتتىعىنىڭ دارەجەسى ارتادى, ويتكەنى, تەرروريزم جانە ۇلتتىق مۇددەگە زيان كەلتىرگەندەر ازاماتتىقتان ايىرىلادى. ەۋروپا تاجىريبەسى جاعداي ناشارلاعان ەلدەردەن كوشى-قوننىڭ ارتۋى اپاتتىق سيپات يەلەنگەنىن كورسەتىپ وتىر. قابىلداۋشى ەلدەر بيۋدجەتتەن ارتىق شىعىن شىعارىپ, ول ەلدەردەگى دەنساۋلىق ساقتاۋ مەن الەۋمەتتىك قامسىزداندىرۋعا سالماق ءتۇسىپ, جۇمىسسىزدىق ارتىپ, قىلمىستىق جاعداي ۋشىققان», – دەپ اتاپ ءوتتى ول.
سونىمەن بىرگە, ءتىلى مەن ءدىنى بولەك ميگرانتتاردىڭ كوپتەپ كەلۋى ۇلتتىق بىرلىكتى ساقتاۋعا زيانىن كەلتىرەدى. پەرۋاشەۆتىڭ سوزىنشە, ازاماتتىق الۋعا تاپسىراتىن ەمتيحاندار كوشى-قون ءۇشىن تارتىمدى ەلدەردىڭ كوبىندە بار. ونىڭ ۇستىنە ولار اقىلى بولعاندىقتان بيۋدجەتكە شىعىن كەلتىرمەيدى. ءتىپتى كەي ەلدەردە مۇنداي ەمتيحانداردى ازاماتتىق العىسى كەلەتىندەر عانا ەمەس, ەڭبەك ميگرانتتارى دا تاپسىرادى. بۇل ءتىل مەن ءداستۇر بىلمەۋدەن جەرگىلىكتى تۇرعىندارمەن ارادا قاقتىعىستىڭ الدىن الۋ ماقساتىندا جاسالادى.
