جارىستىڭ الدىندا ۇيىمداستىرۋشىلار جۇلدەلەر جايىندا جانە دوپينگ ماسەلەلەرى تۋرالى ايتىپ بەردى, - دەپ حابارلايدى Vesti.kz.
"قازاق حالقى ءۇشىن جەتى سانى ارقاشاندا كيەلى بولدى. ءبىزدى قولداعان سەرىكتەستەرگە ۇلكەن العىس بىلدىرەمىز. قازاق كۇرەسى باسقا كۇرەس تۇرلەرىمەن سالىستىرعاندا كولەڭكەدە بولىپ كەلدى, ال قازىرگى ۋاقىتتا ول ءوزىنىڭ لايىقتى دەڭگەيىنە جەتتى دەپ ويلايمىن. بيىل جاڭا وزگەرىستەر ەنگىزدىك, ەندىگى كەزەكتە "اسكەر بارىسى" ءتۋرنيرىنىڭ جەڭىمپازدارى دا بولەك ماراپاتتالادى", - دەدى قازاق كۇرەسى فەدەراتسياسىنىڭ پرەزيدەنتى ارمان شوراەۆ.
كەڭ ماسشتابتى جارىس ءتورت كەزەڭنەن تۇرادى: اۋىلدىق, اۋداندىق, وبلىستىق جانە فينال. سوڭعى كەزەڭگە 34 سپورتشى شىعادى. ولاردىڭ بارلىعى دوپينگ سىناماسىنان وتەدى.
"سوڭعى جىلدارى ءبىز دوپينگ ماسەلەسىنە قاتتى نازار اۋدارىپ ءجۇرمىز. وتكەن جىلدارى بىرنەشە بالۋاندار شەتتەتىلدى. الدىڭعى جىلى سپورتشىلاردىڭ دوپينگ قابىلداعانى تۋرالى كۇدىك بولدى, الايدا WADA سوڭعى ساتتە ءوز شەشىمىن بەردى, ياعني سپورتشىلاردىڭ قانىندا رۇقسات ەتىلمەگەن پرەپاراتتار مولشەرى نورمادان تومەن بولدى. سول سەبەپتى ءبىز ولاردى جارىسقا قاتىستىردىق", - دەيدى ول.
سونداي-اق, كۇرەس فەدەراتسياسىنىڭ پرەزيدەنتى "الەم بارىسى" حالىقارالىق تۋرنير وتەتىنىن ايتتى. الەمنىڭ 50 ەلىنەن بالۋاندار قاتىسادى.
شوراەۆ وتكەن جىلعا قاراعاندا بيىل جۇلدە قورىنىڭ مولشەرى از بولاتىنىن ايتتى. ونىڭ ايتۋىنشا, وتكەن جىلى جارىس جەڭىمپازى 25 ميلليون تەڭگە (شامامەن 100 مىڭ دوللار) جانە استانادان پاتەر كىلتىن العان.
بيىل فينالدىق كەزدەسۋ "بارىس ارەنادا" وتەدى. سپورت كەشەنى 12 مىڭ ورىنمەن قامتىلعان. وتكەن جىلدارى وسى جارىس "سارىارقا" (10 مىڭ ورىن) ۆەلوترەگىندە جانە "داۋلەت" ء(ۇش مىڭ) سپورت كەشەنىندە وتكەن بولاتىن. شوراەۆتىڭ ايتۋىنشا, 2018 جىلى استانادا جەكپە-جەك سارايى عيماراتىنىڭ قۇرىلىسى اياقتالىپ, ۇلتتىق جارىس سول جەردە ءوتۋى مۇمكىن.
