31 ناۋرىز بەن 1 ءساۋىر ارالىعىندا قر پرەمەر-ءمينيسترىنىڭ ورىنباسارى — اۋىل شارۋاشىلىعى ءمينيسترى اسقار مىرزاحمەتوۆ باستاعان قازاقستاندىق دەلەگاتسيا قىتاي استاناسى پەكيندە بىرقاتار ماڭىزدى كەزدەسۋلەر وتكىزبەك, دەپ جازادى قر اۋىل شارۋاشىلىعى مينيسترلىگىنىڭ ءباسپاسوز قىزمەتى.
دەلەگاتسيا قۇرامىنا اۋىل شارۋاشىلىعى مينيسترلىگى وكىلدەرى, وڭىرلىك سالالىق باسقارما جەتەكشىلەرى, "قازاگرو" ۇلتتىق حولدينگى مەن ونىڭ ۇلەسكەر كومپانيالارىنىڭ وكىلدەرى, اۋىل شارۋاشىلىق قاۋىمداستىق جەتەكشىلەرى مەن بيزنەسمەندەر بار.
شارانىڭ ماقساتى - مەملەكەت باسشىسى نۇرسۇلتان نازارباەۆتىڭ قازاقستان حالقىنا "قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك" جولداۋىن ىسكە اسىرۋ, سونىڭ ىشىندە اۋىل شارۋاشىلىق ونىمدەرىنىڭ ەكسپورتىن ارتتىرۋ.
