ساپار اياسىندا ب. ساعىنتاەۆ مەملەكەت باسشىسىنىڭ قازاقستاننىڭ ءۇشىنشى جاڭعىرۋى اتتى جولداۋىن ىسكە اسىرۋ بارىسىن تەكسەرەدى. پرەمەر-مينيستر باعدارلاماسىندا ءىرى ونەركاسىپتىك كاسىپورىنداردى, وندىرىستىك كومپانيالاردى, ءبىلىم بەرۋ مەكەمەلەرىن جانە تۇرعىن-ءۇي نىساندارىن ارالاۋ جوسپارلانعان, دەپ حابارلايدى pm.kz.
كومپانيالار, مەملەكەتتىك ورگاندار جانە سالالىق قۇرىلىمداردىڭ باسشىلارىمەن كەزدەسۋ بارىسىندا باقىتجان ساعىنتاەۆ «نۇرلى جەر» تۇرعىن-ءۇي قۇرىلىسى باعدارلاماسىنىڭ ىسكە اسىرىلۋ بارىسىن جانە ەل ەكونوميكاسىنىڭ, جالپى قۇرىلىس سالاسىنىڭ كەلەشەگىن تالقىلايدى. بۇدان وزگە, «اتامەكەن» كاسىپكەرلەر پالاتاسىنىڭ وڭىرلىك كەڭەسىمەن جانە باتىس قازاقستان اگرارلىق-تەحنيكالىق ۋنيۆەرسيتەتىنىڭ ستۋدەنتتەرىمەن ىسكەرلىك كەڭەس وتكىزۋ جوسپارلانعان.
ايتا كەتۋ كەرەك, باتىس قازاقستان وبلىسى رەسپۋبليكا ءۇشىن ماڭىزدى ونەركاسىپتىك ماڭىزعا يە. ءوڭىردىڭ مۇناي جانە گاز ءوندىرۋ, مۇناي ونىمدەرىن قايتا وڭدەۋ, ماشينا جاساۋ كاسىپورىندارى, مەتاللۋرگيا, قورعانىس, تاۋ-كەن ءوندىرىسى, تىگىن جانە ازىق-ت ۇلىك سالالارىندا ونەركاسىبى بار.
ەسكە سالا كەتەيىك, قر پرەمەر-ءمينيسترى ەلىمىزدىڭ وڭىرلەرىنە جۇمىس ساپارلارىن جالعاستىرۋدا. باستاپقىدا باقىتجان ساعىنتاەۆ جۇمىس ساپارىمەن شىعىس قازاقستان وبلىسىنا بارعان بولاتىن.
