KASE-ءنىڭ تاڭعى سەسسياسىنىڭ قورىتىندىسى بويىنشا, بۇگىن, 29 ناۋرىزدا 1 اقش دوللارى 315,05 تەڭگەگە باعالاندى.
ەستەرىڭىزگە سالا كەتەيىك, كەشە كۇندىزگى سەسسيانىڭ قورىتىندىسىندا دوللار باعامى 314,88 تەڭگە بولعان ەدى.
ال بۇگىن استانا ۋاقىتىمەن تاڭعى ساعات 11:00-دە برەنت ماركالى مۇناي قۇنى 0,31 پايىز قىمباتتاپ, 51,58 دوللارعا ساۋدالاندى.
مۇنايدىڭ بىرتىندەپ قۇايتا قىمباتتاي باستاۋىن ساراپشىلار وتكەن اپتا سوڭىندا كۋۆەيتتە وتكەن وپەك+ كوميتەتىنىڭ جيىنىمەن بايلانىستىرادى. شارادا مۇناي ەكسپورتتاۋشى ەلدەر وكىلدەرى جىلدىڭ ەكىنشى جارتىسىنان كەيىن دە مۇناي ءوندىرىسىن شەكتەۋ تۋرالى كەلىسىمدى ءوز كۇشىندە ۇستاۋعا مۇددەلى ەكەندىكتەرىن بىلدىرگەن ەدى.
