اتالعان ءىس-شارانى وتكىزۋگە قازاقستاننىڭ ازاماتتىق اليانسى, «اتامەكەن» ۇلتتىق كاسىپكەرلەر پالاتاسى جانە سىبايلاس جەمقورلىققا قارسى مەديا-ورتالىق مۇرىندىق بولدى. ال مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اتالعان باستاماعا جانە ءىس-شارانى ۇيىمداستىرۋعا قولداۋ ءبىلدىردى.
كونگرەسس جۇمىسىنا پارلامەنت دەپۋتاتتارى, مەملەكەتتىك ورگانداردىڭ باسشىلارى, ازاماتتىق, كاسىپوداق, ەتنومادەني بىرلەستىكتەردىڭ جانە باسقا دا ازاماتتىق ينستيتۋتتاردىڭ وكىلدەرى قاتىستى.
ءىس-شارادا سىبايلاس جەمقورلىققا جالپى توزبەۋشىلىكتى قالىپتاستىرۋ, قوعامدى سىبايلاس جەمقورلىققا قارسى باستامالاردى جۇزەگە اسىرۋعا تارتۋ ماسەلەلەرى كەڭىنەن تالقىلاندى. سونداي-اق, اگەنتتىكتىڭ ءتۇسىندىرۋ جۇمىستارىنا قاتىستى جاڭا امالدارى ايتىلدى.
ناقتىلاي ايتار بولساق, «ەسىكتەن ەسىككە» باعدارلاماسىنىڭ شەڭبەرىندە ناۋرىزدا استانانىڭ بارلىق تۇرعىندارى كوممۋنالدىق قىزمەت تولەمدەرى قاعازدارىمەن قوسا سىبايلاس جەمقورلىققا قارسى جادىنامالار الدى. «پاراسىز بولاشاققا. بىرگە» ۇرانىمەن سىبايلاس جەمقورلىققا قارسى شاعىن توپ ءوز جۇمىسىن باستادى. بۇل توپ ناسيحات جۇمىستارىن ەڭبەك ۇجىمدارىندا جۇرگىزۋدە, سونداي-اق, ازاماتتاردى قابىلداۋدى جۇزەگە اسىرۋدا.
بۇدان باسقا, اگەنتتىك قازاقستان ازاماتتىق اليانسىمەن, قازاقستاننىڭ كاسىپوداقتار فەدەراتسياسىمەن جانە سىبايلاس جەمقورلىققا قارسى مەديا-ورتالىقپەن بىرلەسىپ, 5 جوبانى جۇزەگە اسىرۋدى جوسپارلاعان. ولار: «قۇپيا ساتىپ الۋشى» ادىسىمەن قوعامدىق اۋديت; مەملەكەتتىك قىزمەتتە ءمۇددەلەر قاقتىعىسىن قاراستىرۋ; ساتىپ الىناتىن قىزمەتتەر جانە تاۋارلاردىڭ دالەلدەنگەن باعالارىنا مەملەكەتتىك ساتىپ الۋلاردى مونيتورينگتەۋ; ەڭبەك ۇجىمدارىندا سىبايلاس جەمقورلىققا قارسى ناسيحات جانە سىبايلاس جەمقورلىق تاۋەكەلدەرىن تالداۋ; «جولداردا» سىبايلاس جەمقورلىققا قارسى ءىس-قيمىل بويىنشا 10 قادام.
قازاقستان ازاماتتىق اليانسىمەن بىرلەسىپ, كورسەتىلەتىن بارلىق الەۋمەتتىك ماڭىزدى مەملەكەتتىك قىزمەتتەرگە «قۇپيا ساتىپ الۋشى» ادىسىمەن قوعامدىق اۋديت وتكىزۋ جوسپارلانۋدا. ونىڭ ناتيجەسى بويىنشا توسقاۋىلدار مەن اكىمشىلىك كەدەرگىلەر انىقتالىپ, ايتارلىقتاي ءتيىمدى قارسى شارالار ۇسىنىلاتىن بولادى.
جاقىن تۋىستاردىڭ بىرگە جۇمىس ىستەۋى, ارىپتەستەرى مەن قاۋىمداستىق ءۇشىن بەلگىلى مەملەكەتتىك ساتىپ الۋلار كەزىندەگى تيەسىلىلىك, ولاردىڭ ءىشىن ارالىق قارىم-قاتىناسى – وسىعان ۇقساس فاكتىلەردى حابارلاۋ بۇل جۇمىستى ايتارلىقتاي ءتيىمدى ەتەدى. ودان بولەك, قوعامداستىقتىڭ قاتىسۋىمەن ساتىپ الىناتىن قىزمەتتەر مەن تاۋارلاردىڭ باعاسى نەگىزدەمەسىنىڭ مەملەكەتتىك ساتىپ الۋلارىنا مونيتورينگ جۇرگىزۋ جوسپارلانۋدا.
قازاقستاننىڭ كاسىپوداقتار فەدەراتسياسىنىڭ تارماقتالعان جۇيەسى جانە سالالىق ماماندانۋى سىبايلاس جەمقورلىققا قارسى ناسيحاتپەن ەڭبەك ۇجىمدارىن قامتۋعا جانە ءتيىستى سالالاردىڭ سىبايلاس جەمقورلىققا قارسى تاۋەكەلدەرىن تەرەڭ جانە ناقتى تالداۋعا مۇمكىندىك بەرەدى. سالالىق كاسىپوداقتار وكىلدەرىنىڭ قاتىسۋىمەن تالداۋ جاسالىناتىن سەگىز سالا انىقتالعان.
«پارا بەرمە جانە الما!» قاعيداسىن جۇزەگە اسىرا وتىرىپ, سىبايلاس جەمقورلىققا قارسى مەديا-ورتالىق اگەنتتىكپەن بىرلەسىپ ەلىمىزدىڭ بارلىق ايماقتارىندا جول پوليتسياسى مەن جول قوزعالىسى قاتىسۋشىلارىنىڭ قارىم-قاتىناسىن ترانسفورماتسيالاۋعا باعىتتالعان «جولداردا سىبايلاس جەمقورلىققا قارسى ءىس-قيمىل بويىنشا ون قادام» ارنايى جوباسىن جۇزەگە اسىرۋدا. نەگىزگى ماقسات – ەكى تاراپتىڭ مىنەز-قۇلقىنىڭ سىبايلاس جەمقورلىق مودەلىن جويۋ جانە «پارا بەرمە جانە الما» قاعيداسىن جۇزەگە اسىرۋ.
جالپى, كونگرەستىڭ قاتىسۋشىلارى جاڭا سىبايلاس جەمقورلىققا قارسى باستامالاردى جوعارى باعالادى جانە قوعامدا سىبايلاس جەمقورلىققا توزبەۋشىلىكتى قالىپتاستىرۋ بويىنشا ىنتىماقتاستىققا دايىن ەكەندىكتەرىن ءبىلدىردى.
