شاراعا قاتىسۋشىلار «ونەرلىنىڭ ءورىسى كەڭ», «اس ادامنىڭ ارقاۋى», «بىلەكتى ءبىردى جىعادى, ءبىلىمدى مىڭدى جىعادى» جانە «شىنىقساڭ شىمىر بولاسىڭ» اتتى كەزەڭدەر بويىنشا باقتارى مەن باپتارىن سىنادى.
كوماندالار ۇلتتىق ويىن تۇرلەرىنەن باسەكەگە ءتۇسىپ ءوزارا مىقتىنى انىقتاپ قانا قويماي, ءتۇرلى باعىتتاعى سۇراقتارعا مۇمكىندىگىنشە جاۋاپ بەردى. قازاق حالقىنىڭ سالت-داستۇرلەرىنەن سىر شەرتەتىن قويىلىمدار قويىپ, ۇلتتىق تاعامداردى جەۋدەن جارىستى.
«بابالار جولىمەن باستالار جاڭا كۇن» بايقاۋىنىڭ ماقساتى – ۇلىستىڭ ۇلى كۇنىن اتاپ ءوتۋ ارقىلى ءداستۇرلى رۋحاني قۇندىلىقتارىمىزدى كەڭىنەن ناسيحاتتاۋ, اتا-بابا سالتىن ارداقتاي وتىرىپ, ۇلت مارتەبەسىن كوتەرۋ.
تارتىستى وتكەن جارىس قورىتىندىسى بويىنشا جەڭىمپاز اتانعان كوماندالار مەن بەلسەندى ويىنشىلار ارنايى نوميناتسيالار بويىنشا ماراپاتتالىپ, ولارعا ديپلومدار مەن باعالى سىيلىقتار تابىستالدى.
شارا سوڭىندا وقۋ ورنىنىڭ كوركەمونەرپازدارى اسەم اننەن شاشۋ شاشىپ, مىڭ بۇرالا بي بيلەپ, ۇلىستىڭ ۇلى كۇنىن تويلاعان جۇرتشىلىققا مەرەكەلىك كوڭىل-كۇي سىيلادى.
جاندار اسان,
تاراز,
جامبىل وبلىسى
