سونىمەن قاتار, ايماق باسشىسى ارال قالاسىندا اۋداندىق ورتالىق اۋرۋحانانىڭ ىرگەتاسىن قالاۋعا قاتىستى. ق.كوشەرباەۆ ارالدىقتاردى ناۋرىز مەرەكەسىمەن جانە جاڭا دەنساۋلىق ساقتاۋ نىسانى قۇرىلىسىنىڭ باستالۋىمەن قۇتتىقتادى.
ءبىزدىڭ ءوڭىر الەۋمەتتىك دامۋدى جان باسىنا شاققانداعى قارجىلاندىرۋ كولەمى بويىنشا رەسپۋبليكادا الدىڭعى ورىندا ەكەندىگىن اتاپ وتكەن ءجون.
وسى كۇنى ارال, قازالى, قارماقشى اۋداندارىندا كاسىپكەرلەردىڭ جانە اۋىلدىق وكرۋگتەر اكىمدەرىنىڭ قاتىسۋىمەن شاعىن جانە ورتا بيزنەستى دامىتۋ جونىندە اكتيۆ وتىرىستارى ءوتتى. وندا اسىرەسە اۋىلدىق جەرلەردە كاسىپكەرلىكتى دامىتۋدىڭ جانە كاسىپكەرلەردىڭ قۇقىقتارىن قورعاۋدىڭ وزەكتى ماسەلەلەرى تالقىلاندى.
ميكرو, شاعىن جانە ورتا كاسىپكەرلىكتىڭ دامۋى وبلىس ءۇشىن اسا ماڭىزدى, سەبەبى ول جاڭا جۇمىس ورىندارىنىڭ اشىلۋىنا, جەرگىلىكتى بيۋدجەتتىڭ نىعايۋىنا جانە سالىق بازاسىنىڭ ۇلعايۋىنا سەپتىگىن تيگىزەدى. بۇل ماسەلە مىسالعا الداعى ۋاقىتتا ەنگىزىلەتىن مىندەتتى الەۋمەتتىك مەديتسينالىق ساقتاندىرۋ جۇيەسى ءوزىن-ءوزى جۇمىسپەن قامتىعاندار مەن جۇمىسسىزداردىڭ, جەكە كاسىپكەرلەردىڭ زاڭدى تۇردە تىركەلۋىن قاجەت ەتەدى. وبلىس اكىمى اۋىل حالقىن بيزنەستىڭ نەگىزىن ۇيرەتەتىن «بيزنەس-باستاۋ» جانە «بيزنەس-كەڭەسشى» باعدارلامالارىنا مەيلىنشە كوپتەپ تارتۋدى, كاسىپكەرلىكتىڭ ءتۇرلى باعىتتارى بويىنشا جاڭا جوبالار ازىرلەۋدى تاپسىردى.
21 ناۋرىزدا شاعىن جانە ورتا بيزنەستى دامىتۋ ماسەلەلەرىنە ارنالعان وتىرىستار وبلىستىڭ جالاعاش جانە سىرداريا اۋداندارىندا دا وتەدى.
