ادەتتەگىدەن بولەك, وبلىس ورتالىعىنداعى بيىلعى مەرەكەلىك شارالار جاڭا الاڭدا – ساياباقتا وتپەك. وندا ۇلكەن ساحنا ورناتىلىپ, كورەرمەندەرگە ارنالعان ورىندىقتار قويىلاتىن بولادى.
ۇلىستىڭ ۇلى كۇنىن مەرەكەلەۋگە وبلىستىق بيۋدجەتتەن, ياعني مادەنيەت, مۇراعاتتار جانە قۇجاتتاما باسقارماسىنان 8 ملن تەڭگە ءبولىنىپ وتىر. اتالمىش ءىس-شارانى ۇيىمداستىرۋعا الماتى مەن استانادان ارنايى ماماندار شاقىرىلعان. قازىرگى كەزدە دايىندىق جۇمىستارى ءجۇرىپ جاتىر.
«ءداستۇر بويىنشا ناۋرىز كەڭىنەن تويلانادى. تەاترلاندىرىلعان قويىلىم ميۋزيكل ستيلىندە وتەدى. بۇل كوكتەمنىڭ كەلۋى مەن دۇنيەنىڭ جارالۋى, قازاق ەلىنىڭ قۇرىلۋى تۋرالى ەرتەگى. سۋ, اۋا, وت – ءبارى قوسىلادى», – دەيدى الماتىلىق بۇقارالىق قويىلىمداردىڭ جيىنتىق قويۋشى-رەجيسسەرى اسپەت جيلكينا.
كورىنىسكە 600-دەن استام ادام قاتىسپاق. ونىڭ ىشىندە, وقۋشىلار مەن جاس ارتىستەر, قاراعاندىلىق شىعارماشىلىق ۇجىمدار, تەاتر ونەرپازدارى دا بار. ارقا ءوڭىرى بولعاندىقتان بي مەن انگە كوپ باسىمدىق بەرىلگەن. ماتىندەر مەن مۋزىكا ارنايى ميۋزيكل ءۇشىن جازىلعان.
بيلەردىڭ حورەوگراف-رەجيسسەرى الماتىدان شاقىرىلىپ وتىر. بيشىلەردى ميۋزيكلعا اباي اتىنداعى قازاق ۇلتتىق پەداگوگيكا ۋنيۆەرسيتەتىنىڭ حورەوگرافيا كافەدراسىنىڭ پروفەسسورى المات قۇرماجانوۆ دايىنداپ جاتىر.
قويىلىم بارىسىندا ارنايى ەففەكتىلەر قولدانىلماق. باستى جاڭالىقتاردىڭ ءبىرى – ءتۇرلى-ءتۇستى ءتۇتىندى ساليۋت بولعالى تۇر.
ميراس اسان,
«ەگەمەن قازاقستان»
