سىرداريا وزەنىنىڭ سول جاعالاۋىندا جاڭا تۇرعىن ءۇي قۇرىلىستارىن جۇرگىزۋ ءۇشىن جەر تەگىستەۋ جۇمىستارى باستالدى. وندا 18 كوپ قاباتتى ءۇي جەرگىلىكتى كاسىپكەرلەردىڭ جەكە قارجىسى ەسەبىنەن بوي كوتەرمەك. قالا اكىمى نۇرلىبەك نالىباەۆتىڭ ايتۋىنشا مۇندا وسى جىلدىڭ قىركۇيەك ايىندا كەمىندە 20 كوپقاباتتى ءۇي سالىنادى دەپ كۇتىلۋدە.
«سونىمەن قاتار, ءبىز الەۋمەتتىك نىساندار قۇرىلىسى بويىنشا كاسىپكەرلەرمەن بىرلەسىپ جۇمىس ىستەپ جاتىرمىز. «ابۋ سەر» كومپانياسى 320 ورىندىق بالاباقشا قۇرىلىسىن سالۋعا كىرىستى. تاعى ءبىر كاسىپكەر مۇندا ساۋدا ورتالىعىن اشپاق», - دەدى نالىباەۆ.
وبلىس اكىمدىگىنىڭ جانىندا ارنايى شتاب قۇرىلدى. سوڭعى شتاب وتىرىسىندا جاستار سارايىنىڭ, ونكولوگيالىق ورتالىقتىڭ, مەشىتتىڭ, «بولاشاق» ۋنيۆەرسيتەتى قالاشىعى قۇرىلىستارىنىڭ جوبالارى ماقۇلدانىپ, قولداۋ كورسەتىلدى.
ءوڭىر باسشىسى جاۋاپتى تۇلعالارعا سول جاعالاۋدا قۇرىلىس جۇرگىزۋگە نيەتتى كاسىپكەرلەردى قولداۋ قاجەتتىگىن ەسكەرتتى. بۇل ءوز كەزەگىندە جاڭا جۇمىس ورىندارىمەن قاتار سالىق بازاسىن ۇلعايتۋعا دا سەپتىگىن تيگىزەدى.
سونداي-اق, قىرىمبەك كوشەرباەۆ قۇرىلىس نىساندارىنىڭ ارحيتەكتۋرالىق كەلبەتى ۇلتتىق, شىعىستىق ۇلگىگە ساي بولۋ قاجەتتىگىن ەسكەرتتى.
«ينجەنەرلىك-ينفراقۇرىلىم ماسەلەلەرىن شەشۋ ءوز قولىمىزدا. ساراپتامالار جاقىن ارادا دايىن بولعان سوڭ بيۋدجەتتىك ءوتىنىم جاساۋ ءۇشىن ءماسليحاتتىڭ كەزەكتەن تىس سەسسياسىن وتكىزۋ كەلىسىلگەن», - دەدى وبلىس اكىمى.
وسى كۇنى دەمەسىنوۆ كوشەسىندەگى 230 پاتەرلىك كوپقاباتتى 4 ءۇيدىڭ العاشقى كىرپىشى قالاندى. بۇل تۇرعىن ءۇي «وڭىرلەردى دامىتۋ-2020» باعدارلاماسى اياسىندا «سامۇرىق قازىنا» جىلجىمايتىن م ۇلىك قورى» اق-مەن بىرلەسىپ سالىنۋدا جانە وسى جىلدىڭ جازىندا پايدالانۋعا بەرىلمەك.
سونداي-اق, وبلىس اكىمى ساياسي قۋعىن-سۇرگىن قۇرباندارىنا ارنالعان ەسكەرتكىشتى قايتا جاڭعىرتۋ جۇمىستارىمەن تانىستى. ەسكەرتكىش اۋماعىنا اللەيا سالىنىپ, تۇنگى جارىقشامدار ورناتىلىپ, اسفالت جول توسەلەدى. قايتا جاڭعىرتۋ جۇمىستارى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە قارسى اياقتالماق.
بۇدان بولەك, ايماق باسشىسى قورقىت اتا كوشەسى اۋماعىنداعى 5,8 شاقىرىم جولعا جۇرگىزىلىپ جاتقان جوندەۋ جۇمىستارىمەن تانىستى (قازىبەك بي كوشەسىنەن باستاپ «قىزىلوردا-جەزقازعان» تاس جولى ارالىعى). باس مەردىگەر «ۋاد» جشس اسفالت توسەۋ, تۇنگى جارىقتاندىرۋ, جولدىڭ ەكى جاعىنا ارىق پەن اۆتوبۋس ايالدامالارىن سالۋ جۇمىستارىن جۇرگىزۋدە.
