ول ءۇشىن قالانىڭ باتىس ايماعىنداعى ارنايى بەلگىلەنگەن جەر تەلىمدەرىن قاجەتتى ينجەنەرلىك-كوممۋنيكاتسيالىق ينفراقۇرىلىممەن قامتۋدى اياقتاۋ ءۇشىن بيىل ينفراقۇرىلىمدى دامىتۋ باعدارلاماسى اياسىندا قازىنادان 476,7 ميلليون تەڭگە ءبولىنىپ وتىر. اتالعان قاراجاتقا ۇزىندىعى – 14,2 شاقىرىم كارىز جەلىلەرى, 29,4 شاقىرىم ەلەكتر جەلىلەرى سالۋ جوسپارلانۋدا.
قۇرىلىس جۇمىستارىنىڭ باس مەردىگەرى – «قازبايلىق استانا» جاۋاپكەرشىلىگى شەكتەۋلى سەرىكتەستىگى. قازىر 18,5 شاقىرىم سۋ قۇبىرى جانە 10 كۆت ەلەكتر جەلىلەرى قۇرىلىسى تولىعىمەن اياقتالدى. جۇمىس كەستەسى بەكىتىلىپ, 0,4 كۆت جەلىلەرىنىڭ تىرەۋلەرىن ورناتۋ بويىنشا جۇمىستار اتقارىلىپ جاتىر.
قالا اكىمدىگى ءباسپاسوز قىزمەتىنىڭ حابارلاۋىنشا, 2017 جىلدىڭ ناۋرىز ايىنا دەيىن جەزقازعان قالاسى بويىنشا جەكە تۇرعىن ءۇي قۇرىلىسىنا جەر تەلىمدەرىن الۋعا 2415 ازامات ءوتىنىش بەرگەن.
وسى ورايدا, بارلىعى 144 پاتەرلىك ءتورت كوپقاباتتى تۇرعىن ءۇيدىڭ قۇرىلىسىنا قاجەت جوبالىق-سمەتالىق قۇجاتتاما دايىنداۋعا 47,7 ميلليون تەڭگە ءبولىنىپ, مەردىگەر ىسكە كىرىسكەنىن ايتا كەتكەن ءجون. اتالعان جوبا ىسكە اسقان جاعدايدا, مەملەكەتتىك تۇرعىن ءۇي قورىنان باسپانا الۋ كەزەگىندە تۇرعان 2002 ازاماتتىڭ ءتىزىمى دە 1878 ادامعا قىسقارماق.
دارحان مۇقان
جەزقازعان قالاسى, قاراعاندى وبلىسى
