وسىعان دەيىن قوس بوكسشىنىڭ اراسىنداعى جەكپە-جەك 17 ماۋسىم كۇنى EXPO-2017 كورمەسىنىڭ اياسىندا استانادا وتەتىنى حابارلانعان. گەنناديدىڭ ءابسوليۋتتى چەمپيون بولۋى ءۇشىن تەك WBO بەلبەۋى عانا جەتپەيدى. ول بيللي دجو سوندەرسكە تيەسىلى. جاقىندا ەكى تاراپ جەكپە-جەك جونىندە كەلىسسوزدەر وتكىزەدى.
«ورتا ديۆيزيونداعى بارلىق بەلبەۋلەرگە يە بولۋدى ارماندايمىن. وسى ماقساتىما جەتۋ ءۇشىن ءبىر قادام عانا قالدى. سوندەرسپەن ايقاسىم قازاقستاندا وتەدى دەپ ۇمىتتەنەمىن», - دەپ جازادى The Sun باسىلىمى.
ايتا كەتەيىك, كەشە GGG نيۋ-يوركتە امەريكالىق دەنيەل دجەيكوبسپەن كۇش سىناسىپ, تورەشىلەردىڭ شەشىمىمەن جەڭىسكە جەتتى. جەكپە-جەكتەن كەيىن ول كىممەن بولسا دا جۇدىرىقتاسۋعا دايىن ەكەنىن ايتتى. ال WBO چەمپيونى گەنناديدىڭ كەزدەسۋىن كورمەگەنىن, بىراق ونىمەن قولعاپ تۇيىستىرۋگە دايىن ەكەنىن مالىمدەدى.
