قازاق ءتىلىنىڭ مارتەبەسى وسەدى
«قازاق ءتىلى مەن قازاق ادەبيەتىنە قاتىستى بارلىق دۇنيە ارقاشان ماڭىزدى. بۇل تۋرالى ءبىلىم جانە عىلىم مينيسترلىگى جان-جاقتى ءمالىمەت بەردى. ولار كەرىسىنشە ەمتيحان تاپسىرۋ كەزىندەگى قازاق ءتىلىنىڭ ءرولىن كۇشەيتتى. قازىرگى كەزدە مينيسترلىك ۇبت-نى ەكىگە ءبولدى: مەكتەپ ءبىتىرۋ ەمتيحانى جانە جوعارى وقۋ ورنىنا ءتۇسۋ ەمتيحانى. ءبىتىرۋ ەمتيحانىندا قازاق ءتىلى قالدىرىلدى ءجانە ول اتتەستاتقا اسەر ەتەدى. ۋنيۆەرسيتەتكە وقۋعا ءتۇسۋشىلەرگە قاراعاندا مەكتەپ بىتىرۋشىلەر ايتارلىقتاي كوپ. ياعني, بۇل قازاق ءتىلىنىڭ مارتەبەسى ودان ءارى وسە تۇسەدى دەگەندى بىلدىرەدى», دەدى مينيستر.
د.اباەۆ اپتانىڭ اقپاراتتىق اعىنىنىڭ اراسىنان الماتىلىق ۆياچەسلاۆ پوپوۆتىڭ مالىمدەمەسىنە ەرەكشە توقتالدى. ول ءوزىنىڭ Facebook-تەگى پاراقشاسىندا جارتى جىل ىشىندە قازاق ءتىلىن ۇيرەنۋگە قۇلشىنىس تانىتىپ وتىرعانىن جازعان بولاتىن. «مەن ۆياچەسلاۆ پوپوۆتىڭ قازاق ءتىلىن ۇيرەنەمىن دەگەن دەكلاراتسياسىن وزىمە ءتۇرتىپ الدىم. مۇنى قاداعالايتىن بولامىن. اقپارات جانە كوممۋنيكاتسيالار ءمينيسترى رەتىندە مەنى دە قازاق ءتىلىنىڭ وقىلماي, بەلسەندى تۇردە تالقىلاناتىنى, ال ازاماتتاردىڭ قىزىعۋشىلىعى ەلەۋسىز قالا بەرەتىنى تاڭداندىرادى», دەدى ۆەدومستۆو باسشىسى.
ۇشۋ قاۋىپسىزدىگى ۇدايى نازاردا
«ازاماتتارىمىزدىڭ ازاماتتىق اۆياتسياداعى قاۋىپسىزدىككە نازار اۋدارۋى تۇسىنىكتى. قازىر قىزمەتتىك تەرگەۋ ءجۇرىپ جاتىر. ونىڭ ناتيجەسى بويىنشا اقپارات قۇرالدارىندا جەتكىلىكتى مالىمەت بەرىلەدى. قازىردىڭ وزىندە بىزگە ۇشقىشتار ەكيپاجى نۇسقاۋلىقتى قاتاڭ ساقتاعانى جانە اۋە جولاۋشىلارى ءۇشىن قاتەردى بارىنشا تومەندەتكەنى بەلگىلى», دەدى د.اباەۆ. ۆەدومستۆو باسشىسى ءۇش ۇشاق تا ءار تۇرگە جاتاتىندىقتان, ماسەلە ىستەن شىعۋ جۇيەسىنە بايلانىستى ەمەس ەكەنىن ايتتى.
«مەملەكەت حالىقارالىق اۋە جەلىلەرىنىڭ دە, ىشكى اۋە جەلىلەرىنىڭ دە قاۋىپسىزدىگىن قالت ەتپەي قاداعالايدى. ازاماتتىق اۆياتسيانىڭ ۇشۋ قاۋىپسىزدىگىنە ارنالعان تۇتاس باعدارلاما بار. ۇكىمەت پەن ازاماتتىق اۆياتسيا كوميتەتى حااۇ-مەن (حالىقارالىق ازاماتتىق اۆياتسيا ۇيىمى) تىعىز جۇمىس ىستەيدى. اتالعان ۇيىممەن قول قويعان بارلىق قاجەتتى نۇسقاۋلىقتاردى قازاقستان ورىندايدى», دەپ سەندىردى مينيستر.
قىزمەت كورسەتۋ ورتالىقتارى كوبەيەدى
«ءبىز ارنايى حقو-لاردا 700 مىڭعا جۋىق جۇرگىزۋشى كۋالىگىن بەرىپ, 3,5 ميلليونعا جۋىق مەملەكەتتىك قىزمەت كورسەتتىك. بارلىعىن اۆتوماتتاندىردىق. ارنايى حقو-لار سالدىق. ارينە, مۇنداي ارنايى حقو-لار بار وڭىردە جۇمىس ىستەي بەرمەيتىنى وكىنىشتى. بۇل مەكەمەلەر 12 قالادا بار. قازىر وسى ۇدەرىستى ءارى قاراي جالعاستىرۋدامىز. اعىمداعى جىلدىڭ ىشىندە تاعى ەكى حقو-نى ىسكە قوسامىز دەپ ويلايمىن», دەدى مينيستر. د.اباەۆ «ەرەكشە» نومىرلەرگە قاتىستى دا ويىمەن ءبولىستى. «بۇگىندە مەملەكەت قازىناسىنا وسىنداي «ادەمى» نومىرلەردى ساتۋدان 5,3 ميلليارد تەڭگە ءتۇستى», دەدى ول.
مينيستر سونداي-اق, جاڭا «ەل ارنا» تەلەارناسىن ىسكە قوسۋ تۋرالى دا ايتتى. «27 ناۋرىزدا ءبىز «ەل ارنانى» ىسكە قوسامىز. بۇل ارنادا قازاقستاندىق كوركەم جانە دەرەكتى فيلمدەر ۇزدىكسىز كورسەتىلەتىن بولادى. تەك قازاقستاندىق كينولار. بۇل ءبىزدىڭ تەلەارنالاردىڭ تاراتۋ جەلىسىنەن ورىن تابا الماي جۇرگەن وتاندىق فيلمدەردى ەكرانعا شىعارۋعا مۇمكىندىك سىيلايدى», دەدى مينيستر.
ازىرلەگەن
دۋمان اناش,
«ەگەمەن قازاقستان»
