«قازاقستان تەمىر جولى» ۇلتتىق كومپانياسى» اق ۆيتسە-پرەزيدەنتى ەرىك يماشەۆ باسپانالى بولعان جاستاردى ارنايى قۇتتىقتاپ, شاعىن جاتاقحانانىڭ قۇتتى قونىس بولۋىن تىلەدى. «بۇگىندە كومپانيا ەڭبەككەرلەرىن الەۋمەتتىك-تۇرمىستىق تۇرعىدان قامتۋ دۇرىس جولعا قويىلعان. بۇگىنگى قۋانىشتى جاعداي – بولاشاق تەمىرجولشىلاردى دايارلاۋ مەن مامانداردىڭ بىلىكتىلىگىن كوتەرۋدە ۇلتتىق كومپانيانىڭ كورپوراتيۆتىك ساياساتى دۇرىس ەكەندىگىنىڭ ءبىر كورسەتكىشى», دەدى ۆيتسە-پرەزيدەنت.
«قازككا» اق رەكتورى باقىتجان قۋانىشەۆتىڭ ايتۋىنشا, مەملەكەت تاراپىنان ءبىلىم سالاسىنا كوڭىل ءبولىنىپ, ونىڭ ىشىندە ەكونوميكالىق وسىمگە بايلانىستى ورتا بۋىن مامانداردى دايارلاۋعا باسىمدىق بەرىلىپ جاتقان ۋاقىتتا ءبىلىم بەرۋ سالاسىندا قىزمەت ەتىپ جۇرگەن وقىتۋشىلاردىڭ باسپانامەن قامتاماسىز ەتىلۋى جاعىمدى جاڭالىق.
قۋانىش يەلەرى ءوز كەزەگىندە قازككا مەن ۇلتتىق كومپانيا باسشىلىعىنا العىس ايتتى. «وتە جايلى تۇرعىن ۇيگە يە بولدىق. جانىمىزدا پارك بار. ىرگەمىزدە ەسەنتاي وزەنى اعىپ جاتىر. جاس قىزمەتكەرلەر مەن شاعىن وتباسىلاردىڭ تۇرۋىنا وتە قولايلى», – دەيدى راديوتەحنيكا جانە كوممۋنيكاتسيا كافەدراسىنىڭ وقىتۋشىسى دينا اقتايلاقوۆا.
ايتا كەتۋ كەرەك, قازىرگى تاڭدا قازككا ستۋدەنتتەرى مەن ماگيسترانتتارى تۇگەلدەي جاتاقحانامەن قامتىلعان.
الماس ءنۇسىپ,
«ەگەمەن قازاقستان»
الماتى
