جاڭا...

...ءونىم ءتۇرىن شىعارا باستادى قوستاناي قالاسىنداعى «­ال­­­پا­مىس» اياق كيىم فاب­ري­كا­سى كوپ جىلداردان كەيىن بالا­لاردىڭ اياق كيىمىن قايتادان شىعارا  باستادى. بۇل كاسىپ­ورىن ءۇشىن  جاڭا ءونىم ءتۇرى بو­لىپ سانالادى. ويتكەنى,  وسى ۋاقىتقا دەيىن فابريكا تەندەر بويىنشا ۇتىپ العان قارجىعا  قارۋلى كۇشتەر مەن الەۋمەتتىك ورگان سالاسى قىزمەتكەرلەرى ءۇشىن قىسقى جانە جازعى اياق كيىم تۇرلەرىن تىگەتىن. بالالارعا اياق كيىم تىگۋ  ءىسى رەسەيلىك ساۋدا ورىندارىنىڭ سۇ­رانىسى بويىنشا قولعا الىن­دى. قازىر مۇندا ءبۇل­دىر­شىندەرگە ارنالعان اياق كيىمنىڭ 6 ءتۇرى  دايىن تۇر. ولاردىڭ بارلىعى دا تازا تەرىدەن تىگىلگەن. مامانداردىڭ ايتۋىنشا, ەگەر سۇرانىس بولسا,  كاسىپورىن ءونىم كولەمىن ۇلعايتۋعا جانە ءتۇرىن كوبەيتۋگە دايىن. ءنازيرا جارىمبەتوۆا. قوستاناي. * * * ...كولىكتەرگە يە بولدى پەتروپاۆل قالاسىنىڭ «­دوس­تىق» الاڭىندا وتكەن سال­تاناتتى شارا  قورشاعان ورتا مەن جان-جانۋارلار الەمىن كوز­دىڭ قاراشىعىنداي قورعاپ ءجۇر­گەن ورمانشىلاردى ۇلىقتاۋعا ارنالدى. وعان وبلىس اكىمى سەرىك ءبى­لالوۆ قاتىسىپ, سۋ جاڭا  ءورت ءسون­دىرۋ تەحنيكالارىن تابىس ەتتى. وسى ماقسات ءۇشىن  جەرگىلىكتى قازىنادان 80 ميلليون تەڭگە قاراستىرىلىپ, 7 «ۋاز-33» اۆتوكولىگى, 17 «متز» تراك­تورى جانە 1 ءورت ءسوندىرۋ ءما­شي­نەسى ساتىپ الىندى. ولار 12 ور­مان شارۋاشىلىعى مەن «كراس­نىي بور»  مەملەكەتتىك كا­سىپورنىنا بەرىلدى. ورمان مەكەمەلەرىنىڭ ماتەريالدىق-تەح­نيكالىق بازاسىن نىعايتۋ الدا دا جالعاسا بەرەتىنى ايتىلدى. ءومىر ەسقالي. سولتۇستىك قازاقستان وبلىسى. * * * ...بالاباقشا اشىلدى اقتوبە قالاسىنداعى جاعا­لاۋ كوشەسىندە پايدالانۋعا بەرىلگەن 140 ورىندىق «بالاقاي» بالاباقشاسى بۇلدىرشىندەردىڭ يگىلىگىنە اينالدى. جاڭا ءۇل­گى­دەگى زاماناۋي مەكتەپكە دەيىنگى بالالار مەكەمەسىن سالۋعا 220 ميلليون تەڭگە جۇم­سالعان. جەكە سەرىكتەستىك كۇشىمەن سالىن­عان بالاباقشا ەكى قاباتتى. ءبىرىنشى قاباتتا اسحانا, كىر جۋا­تىن ورىن, مەدي­تسينالىق جانە توپتىق بولمە­لەر ورنالاسقان. ەكىنشى قاباتتا دومبىرا, بايان, فورتەپيانو ءۇيىر­مەلەرىنە ار­نايى بولمەلەر بولىنگەن. مۇندا سونداي-اق ءبۇلدىر­شىن­دەر «پاليترا» باعدارلاما­سىنا سايكەس بەينەلەۋ ونەرىنەن ساباق الادى. بيىل وبلىس ورتا­لىعىنداعى «وڭتۇستىك-باتىس» جانە «جاڭاقونىس» شاعىن اۋدان­دارىندا دا وسىنداي ءساۋ­لەتتى بالاباقشالار بوي كوتەرەتىن بولادى. ساتىبالدى ءساۋىرباي. اقتوبە وبلىسى.