الەمدەگى ەڭ ۇلكەن FAST (Five hundred meter Aperture Spherical Telescope) تەلەسكوبىنا ەندى تۋريستەر دە تەگىن كىرە الادى. بۇل تۋرالى «سينحۋا» اقپارات اگەنتتىگى حابارلادى.
FAST وتكەن جىلدىڭ قىركۇيەك ايىندا اسپاناستى ەلىنىڭ وڭتۇستىك-باتىسىنداعى گۋيچجوۋ پروۆينتسياسىندا اشىلعان بولاتىن.
تەلەسكوپتىڭ قالىپتى جۇمىس ىستەۋى ءۇشىن راديۋسى بەس شاقىرىم بولاتىن جەردە «تىنىشتىق الاڭى» بەلگىلەنگەن. ياعني, ءموبيلدى قۇرىلعىلاردىڭ بارلىق تۇرلەرى بۇل جەردە قولدانىلمايدى. سوندىقتان تۋريستەر كىرەر الدىندا ۇيالى تەلەفوندارىن, فوتواپپاراتتارىن جانە وزگە دە ەلەكتروندى قۇرىلعىلارىن تاپسىرۋى ءتيىس.
كۇن سايىن تەلەسكوپ ايماعىنا ەكى مىڭ ادام كەلە الادى.
ايتا كەتەيىك, الەمدەگى ەڭ ۇلكەن راديوتەلەسكوپتىڭ قۇرىلىسىن باستاۋ تۋرالى يدەيا 1994 جىلى كوتەرىلگەن. ونىڭ جالپى اۋدانى شامامەن 30 فۋتبول الاڭىنداي بولادى. جوبانىڭ قۇنى 1,2 ميلليارد ءيۋاندى (180 ملن دوللار) قۇرايدى.
