اپتانىڭ ەكونوميكالىق كۇنتىزبەسى

وسى اپتا جاھاندىق قارجدى نارىعى اقش, جاپونيا, ۇلىبريتانيا مەن شۆەيتساريانىڭ ورتالىق بانك باسشىلارىنىڭ كەڭەسىن نازاردا ۇستاماق. ينۆەستورلار سونىمەن قاتار, گەرمانياداعى G20 ەلدەرىنىڭ ەكى كۇندىك فورۋمىنان دا جاڭالىق كۇتەدى. وندا جاھاندىق ەكونوميكانىڭ بۇگىنگى احۋالى, ۆاليۋتا ساياساتىنىڭ ەندىگى باعىتى مەن ۆاليۋتا ايىرباسىنىڭ باعامى تۋرالى ءسوز بولماق. 1. فرج-نىڭ پايىزدىق مولشەرلەمەسى تۋرالى شەشىمى قوعامدىق پىكىرگە سۇيەنسەك, اقش فەدەرالدى رەزەرۆ جۇيەسىنىڭ (فرج) اشىق نارىقتار تۋرالى فەدەرالدى كوميتەتىنىڭ وسى جولعى وتىرىسىندا اقش دوللارىنىڭ بازالىق مولشەرلەمەسى 0,25 پۋنكتكە كوبەيتىلۋى مۇمكىن. فرج شەشىمى استانا ۋاقىتىمەن سارسەنبىدەن بەيسەنبىگە قاراعان ءتۇنى قابىلدانباق. ساراپشىلاردىڭ پىكىرىنشە, قازىرگى 0,50-0,75 پايىزدىق مولشەرلەمە 0,75-1,00 ارالىعىنا كوتەرىلمەك. اقش ورتالىق بانكى سونىمەن قاتار, ەكونوميكا ءوسىمى تۋرالى مالىمدەمەسىن جاريالاماق. بۇدان بولەك, فرج ءتورايىمى دجاننەت يەللەن ءباسپاسوز ءماجىلىسىن وتكىزەدى. ساراپشىلاردىڭ پىكىرىنشە, بيىل جىل سوڭىنا دەيىن دوللاردىڭ پايىزدىق ۇستەمەسى تاعى ەكى رەت كوتەرىلۋى ءتيىس. ويتكەنى, وتكەن جىلدىڭ جەلتوقسانىنداعى وتىرىستا دجاننەت يەللەن وسىنداي تۇسپال ايتقان ەدى. 2. جاپونيا بانكىنىڭ ۆاليۋتا ساياساتى تۋرالى شەشىمى وتكەن جولى جاپونيا بانكى پايىزدىق مولشەرلەمەنى 0,1 پايىز دەڭگەيىندە ساقتاپ قالعانى ەسىمىزدە. ەندى سەيسەنبى كۇنى تاڭەرتەڭ جاپونيا بانكىنىڭ كەزەكتى وتىرىسى ءوتىپ, تاعى وسى ماسەلە قارالادى. شارادان كەيىن جاپون ورتالىق بانكىنىڭ باسشىسى حارۋحيكو كۋرودا ءباسپاسوز ءماسليحاتىن وتكىزبەك. 3. انگليا بانكىنىڭ شەشىمى استانا ۋاقىتىمەن 17:00-دە, بەيسەنبى كۇنى انگليا ورتالىق بانكىنىڭ فۋنتتىڭ بازالىق مولشەرلەمەسى تۋرالى شەشىمى جاريالانادى. ساراپشىلار, بۇل جولى ايتارلىقتاي جاڭالىق بولمايدى دەسەدى. ينۆەستورلاردىڭ پىكىرىنشە, انگليا بانكى جەتەكشىلەرى ەلدەگى ەكونوميكالىق احۋالدى ەسكەرە وتىرىپ قارجىلىق قولداۋ ماقساتىندا فۋنتتىڭ بازالىق مولشەرلەمەسىن سول قالپى قالدىرۋى ءتيىس. ەستەرىڭىزگە سالا كەتەيىك, ەلدەگى جۇمىسسىزدىقتىتسڭ كوبەيۋى مەن برەكسيت اياسىندا انگلياداعى ينفلياتسيا دەڭگەيى سوڭعى ءبىر جىلدا كوبەيىپ كەتكەن ەدى. 4. شۆەيتساريا ۇلتتىق بانكىنىڭ پايىزدىق مولشەرلەمە شەشىمى شۆەيتساريا ۇلتتىق بانكى ماۋسىمدىق كەزەكتى مالىمدەمىسىن جاريالاماق. ساراپشىلاردىڭ پىكىرىنشە, ەلدەگى قازىرگى 0,75 پايىزدىقو مولشەرلەمە سول قالپى وزگەرىسسىز قالۋى ءتيىس. ەل ۇكىمەتى تسۆەيتساريالىق فرانكقا دەگەن سۇرانىستى قامتاماسىز ەتۋ ءۇشىن شەتەلدىك ۆاليۋتا ينتەرۆەنتسياسىن جالعاستىرا تۇسەدى دەگەن بولجام بار. 5. G20 ءسامميتى جۇما مەن سەنبى كۇندەرى نەمىستىڭ بادەن-بادەن قالاسىندا الەمدەگى ەڭ ءىرى ەكونوميكالاردىڭ ورتالىق بانك جەتەكشىلەرى جانە قارجى مينيسترلەرىنىڭ جيىنى وتەدى. وندا جاھاندىق ەكونوميكالىق احۋال تالقىلانباق. بۇل جولعى جاڭالىق, بيىل العاش رەت ترامپ اكىمشىلىگىنىڭ پروتەكتسيونيستىك ساياسات ۇستاناتىن وكىلدەرى قاتىسپاق.