ايەلدىڭ قيالى شەكسىز...

وبلىس ورتالىعىنداعى ءماشھۇر ءجۇسىپ ورتالىق مەشىتىندە وتكەن قولونەر بايقاۋىنا اۋىل-قالا مەشىتتەرىنىڭ تىڭداۋشىلارى, قىز-كەلىنشەكتەر قاتىستى. جالپى, مەشىتتە كۇندەلىكتى عيبراتتى, رۋحانياتى مول, يماندىلىق جولىنداعى شاراپاتى مول ءتۇرلى شارالار ءوتىپ تۇرادى. حاديستە «جاقسىلىق جاساپ جارىسىڭدار» دەيدى. ال بۇل جولعى بايقاۋدىڭ ماق­ساتى – ۇلتىمىزدىڭ اسىل قازى­ناسىن ساقتاۋ, ۇرپاققا ميراس ەتۋ. ۇلتتىق ويۋ-ورنەكتەر, تو­قىما توقۋ, كەستە تىگۋ, قاعاز­دان ءجا­نە باسقا دا ماتەريال­داردان بۇيىمدار, قولونەر بۇيىمدارىن جاساۋ. بايقاۋ بارىسىندا كوز قىزىقتىرار كورپەشەلەر, جاستىقتار, كەس­تەلى سۇلگىلەر, ويۋ-ورنەكپەن زەر­لەنگەن ورامال­دار, داستار­قان جايماسى مەن قولدان كەستەلەنگەن شىت, توقىلعان كەۋ­د­ە­شەلەر, باس كيىمدەر, بيسەر­مەن ءادىپ­تەلگەن اشەكەيلەردى كوردىك. ورتالىق مەشىتكە كەلۋشىلەر دە بايقاۋعا اكەلىنگەن قول­ونەر بۇيىمدارىن تاماشالادى. مىسالى, ساپۋرا اپا, اقەركە تۇرعىنباي, سابي­نا مۇرات­قىزى, زاۋرە شامسي­دين­قىزى جانە ءاليا اپايلار اپتا سايىن مەشىتكە كەلىپ, قىز-كەلىنشەكتەرگە تىگىنشىلىك, كەستەلەۋ, ويۋ-ءور­نەك­تەردى ويۋدى ۇيرەتەدى. ال اقەركە ءداۋىتوۆا بيسەرمەن, قۇران كىتاپتارىنا ارنالعان ءتۇرلى تاستارمەن اشە­­كەيلەنگەن سومكەلەر جاساپ, بايقاۋدا ەكىنشى ورىن الدى. سونىمەن بىرگە, نازگۇل تور­تاي توقىلعان سەبەت, ۆازا, قاعاز­دان جاسالعان قوبديشا ۇسىنىپ, «قاعازدان جاسالعان بۇيىم» بويىنشا ءبىرىنشى ورىن السا, گۇل­باحىت قانسىزباي «قا­زاق ءور­نەكتەرى» اتالىمىندا ۇزدىك دەپ تانىلدى. جانە دە توقىما اياق كيىم – ەتىك, تۋف­لي تىگەدى ەكەن. ورتالىق مەشىت­تەگى اقەر­كە تۇرعىنباي ۇستاز­دىڭ ءشا­كىرتتەرى گۇلسىم امان­جول, بۇلدىرگەن حابي, گاۋحار مۇسا تاڭعالارلىق «قازاق ويۋ-ورنەكتەرىندە» ويۋ ويىپ ەرەكشە كوزگە ءتۇستى. مەشىتتىڭ كىتاپحاناشىسى نازىم شايكەنوۆا: «جارا­تى­لىس­تىڭ ءوزى سۇلۋلىق سىيل­اعان ايەلدەردىڭ قيالى شەكسىز, ال شىعارماشىلىق قابىلەتتەرى ودان دا كەرەمەت!», – دەيدى. فاريدا بىقاي, «ەگەمەن قازاقستان» پاۆلودار سۋرەتتى تۇسىرگەن امانتاي تويشىباي