ۇستازدىق وتىلدەرى – 600 جىل

ورداباسى اۋدانى, ۇيالىجار اۋىلىنداعى ىسقاقوۆتار وتباسىن جەرگىلىكتى تۇرعىندار «ۇستازدار اۋلەتى» دەپ ارداق تۇتادى. ءبىر قىزىعى, وسى اۋلەتتەن شىققان 20 شاقتى مۇعالىمدەردىڭ ۇستازدىق وتىلدەرىن شوتقا قاعار بولسا 600 جىلدى قۇرايدى ەكەن. اۋلەتتىڭ بايتەرەگى, بۇگىندە مارقۇم سۇلتان ىسقاق اعامىز «قازاقسسر-نا ەڭبەگى سىڭگەن مۇعالىم», «قازاقسسر-ءىنىڭ حالىق اعارتۋ ۇزدىگى» توسبەلگىسىمەن ماراپاتتالعان. ەڭبەك قىزىل تۋ وردەن يەسىنىڭ ۇلى ابدىقايىم ىسقاقتان تاراعان التى ۇل مەن ءۇش قىزدىڭ بەسەۋى ۇستازدىق جولدى تاڭداعان. ءبىر تاڭدانارلىعى, 5 پەرزەنتى ۇستاز قاريانىڭ 5 كەلىنىنىڭ دە ماماندىعى مۇعالىم. بۇعان 7 نەمەرەسىنىڭ پەداگوگيكا سالاسىن تاڭداعانىن قوسىڭىز. اكەسى سۇلتان ىسقاق سالعان سارا جولمەن ۇستازدىقتى ءناسىپ ەتكەن ابدىقايىم اقساقال وسى شاعىن ۇيالىجار اۋىلىنداعى مەكتەپتەن تالاي تانىمال تۇلعالار قاناتتانىپ ۇشقانىن ايتادى. سولاردىڭ ءبىرى – قر ءبىرىنشى شاقىرىلىمداعى پارلامەنت ءماجىلىسىنىڭ دەپۋتاتى, كوشى-قون تۋرالى زاڭ اۆتورلارىنىڭ ءبىرى اكىم ىسقاق وسى ابدىلقايىم اعامىزدىڭ پەرزەنتى. باقتيار تايجان, «ەگەمەن قازاقستان»