ق ۇلىباەۆ مەملەكەتتىك ساتىپ الۋدا تەك وتاندىق ءونىم تۇتىنۋعا شاقىردى

ۇكپ ۇزاق مەرزىمدى تاپسىرىستار مەن تۇتىنۋشىلار اراسىندا نارىقتىق سيممەتريانى تەڭدەستىرۋگە بارىنشا اتسالىسپاق. وڭدەۋ ونەركاسىبى ونىمدەرى بارلىق سالالاردىڭ باسەكەگە قابىلەتتىگىن ارتتىرۋداعى ەڭ ماڭىزدى قۇرامداس بولىگى بولىپ تابىلادى, دەپ جازادى palata.kz. دەمەك, وسى باسىمدىققا يە سالانىڭ دامۋى ءتيىمدى ەكونوميكاعا قاراي جەتەلەيدى. سوندىقتان ءوندىرىستى دامىتۋعا كۇش سالۋ قاجەت. بۇل تۋرالى ۇلتتىق كاسىپكەرلەر پالاتاسى تورالقا توراعاسى تيمۋر ق ۇلىباەۆ قاتىسۋىمەن وتكەن جۇمىس وتىرىسىندا تالقىلاندى. «اتامەكەن» باسشىسى كاسىپورىنداردى تاپسىرىستار جانە ۇزاق مەرزىمدى كەلىسىم-شارتتارمەن قامتاماسىز ەتۋ ۇلتتىق پالاتانىڭ جۇمىسىندا باسىمدىققا يە باعىت ەكەنىن اتاپ ءوتتى. دەگەنمەن, جوعارى اتالعان مىسالدىڭ وڭ جانە تەرىس اسەرى بولۋى مۇمكىن. تورالقا توراعاسىنىڭ ايتۋىنشا وندىرۋشىلەر ەڭ الدىمەن شىعارىلىپ جاتقان ءونىمنىڭ ساپاسىنا ءمان بەرىپ, باعاسى بويىنشا تاۋاردى باسەكەگە ءتوزىمدى ەتۋ كەرەك. تيمۋر ق ۇلىباەۆ نارىقتا باسەكەگە قابىلەتتى وتاندىق تاۋار وندىرۋشىلەردى مەيلىنشە جۇمىلدىرۋدى ەسكەرىپ, سونداي-اق يمپورتتى الماستىرۋ ءۇشىن وتاندىق تاۋارلارعا مەملەكەتتىك تاپسىرىستاردى ۇلعايتۋ كەرەكتىگىن اتاپ ءوتتى. «اتامەكەن» وتاندىق كاسىپكەرلەردىڭ مۇددەسىن قورعايتىن ۇيىم رەتىندە وڭدەۋ ونەركاسىبى سالاسىنداعى كاسىپورىنداردىڭ بيزنەسىن دامىتۋعا قولداۋ كورسەتۋ جولدارىن قاراستىرادى. وسى رەتتە تيمۋر ق ۇلىباەۆ تۇتىنۋشى مەن وندىرۋشىلەر اراسىندا ءتيىمدى كەلىسىمگە قول جەتكىزۋ ءۇشىن ارنايى قۇجاتتى جاساۋدى تاپسىردى. «ساتىپ الىناتىن تاۋارلار مەن وندىرىلگەن ونىمدەردىڭ ماتريتساسىن جاساۋ كەرەك. سوندا ءبىز ءوندىرىستىڭ مۇمكىندىگى مەن سۇرانىستىڭ ارا-سالماعىن انىقتاي الامىز. ارى قاراي وندىرۋشىلەر قانداي ءونىمدى شىعارۋ كەرەكتىگىن, ونىڭ ساپاسى مەن باعاسىن ءبىلىپ وتىراتىن بولادى. بۇل جەڭىل ونەركاسىبى, جيھاز جانە اعاش وڭدەۋ ونەركاسىپتەرىنە قاتىستى بولادى. ماسەلەن, جيھاز ونىمدەرىن الىپ قاراساق. مەملەكەتتىك تاپسىرىسپەن نە الىنادى؟ مەكتەپ پارتالارى, كەڭسە جيھازدارى, مەديتسينالىق توسەكتەر جانە ت.س.س. وڭىرلەردى ارالاعاندا كەزدە ماعان كورسەتىلگەن وندىرىستەر مەملەكەتتىك تاپسىرىسقا ەمەس, تۇرمىستىق جيھازدار شىعارىپ, كوبىنەسە تۇتىنۋشىلار نارىعىنا باعدارلانعانىن كوردىك», – دەدى تيمۋر ق ۇلىباەۆ.