مۋلتفيلم كورىپ, ءماز بولدى

  «ارمان» كينوتەاترىندا «نۇر وتان» پارتياسى رەسپۋبليكالىق جەلىلىك كەستەسىنە سايكەس, سونداي-اق «باقىتتى بالالىق شاق» پارتيالىق جوباسى اياسىندا مەدەۋ اۋداندىق فيليالى  جەتىم بالالارعا, مۇمكىندىگى شەكتەۋلى جانە تۇرمىسى تومەن وتباسىلاردان شىققان بالالارعا قايىرىمدىلىق  ماقساتپەن «لەگو بەتمەن» ءمۋلتفيلمىنىڭ ارنايى كورسەتىلىمىن ۇيىمداستىردى. "باقىتتى بالالىق شاق" پارتيالىق جوباسى اياسىندا مۇنداي ءىس-شارالار تۇراقتى تۇردە وتكىزىلىپ تۇرادى. ءوز كەزەگىندە, الەۋمەتتىك كومەكتى قاجەت ەتەتىن بالالاردى قامقورلىققا الۋ كەز-كەلگەن پارتيا مىندەتتەرىنىڭ ءبىرى بولىپ تابىلادى. بالالار ەلىمىزدىڭ بولاشاعى جانە ءبىز قازىرگى جاس ۇرپاق بالالارعا ۇلكەن جاۋاپكەرشىلىكپەن قاراپ, ولاردى قامقورلىققا الۋىمىز كەرەك, - دەپ اتاپ ءوتتى «نۇر وتان» پارتياسى مەدەۋ اۋداندىق فيليالى توراعاسىنىڭ ءبىرىنشى ورىنباسارى ارمان حالبەكوۆ. كورسەتىلىمنىڭ الدىندا 80 بالاعا پوپكورن مەن ءتاتتى سۋسىندار تاراتىلىپ بەرىلدى, كوڭىل-كۇيلەرىن كوتەرۋ ماقساتىندا اننەن شاشۋ شاشىلدى.  ال, «لەگو بەتمەن» مۋلتفيلمىندەگى باستى باتىردىڭ ءوز قارسىلاسى دجوكەردى جەڭىپ, جاس كورەرمەندەردى قۋانتقانى ءوز الدىنا ءبىر اسەرلى ءسات بولدى. شىن مانىسىندە كىشكەنتاي بۇلدىرشىندەر ۇلكەن اسەرمەن تاراسىپ, ۇيىمداستىرۋشىلارعا ريزاشىلىقتارىن تانىتتى. ءىس-شاراعا «كۆارتال» بيزنەس ورتالىعىنىڭ وكىلى ناتاليا يۆنەۆا مەن كاسىپكەر تاحير ازىمتاەۆ قاتىسىپ, دەمەۋشىلىك قولداۋ كورسەتتى جانە پارتيالىق جوباعا تۇراقتى دا قاتىساتىنىن جەتكىزدى. ساپارباي پارمانقۇلوۆ, «ەگەمەن قازاقستان». الماتى