حالىقارالىق شاراعا قارقارالىنىڭ ۇلەسى

بيىل قارقارالى اۋدانىندا «جاسىل ەكونوميكا» تۇجىرىمداسىنىڭ اياسىندا جەل ەلەكتر ستانسالارىن سالۋ جوسپارلانىپ وتىر. قۇرىلعىلاردىڭ قۇرىلىسى اعىمداعى جىلدىڭ ءساۋىر ايىندا باستالماق. بۇگىنگى كۇنى قۇرىلىس الا­ڭىنا 312 گەكتار جەر ۋچاسكەسى رەسىم­دە­لىپ, گەرمانيا مەن رەسەي مەملەكەتتەرىنىڭ ءوندى­رۋ­شى­لە­رى­مەن جاسالعان كەلىسىمشارت بويىنشا قۇنى 23 ملن دوللار تۇراتىن قوندىرعىلار جەتكىزىلگەن. قۋاتى 20 مۆت بولاتىن اتالمىش جەل ەلەكتر ستانساسى تەك 15 مىڭ تۇرعىنى بار اۋدان ورتا­لى­عىن عانا ەمەس, سونىمەن قاتار, جاقىن ماڭدا ورنا­لاسقان قاراعايلى, بۇركىتتى, تالدى, كوكتاس, نۇركەن, قاسىم اۋىلدارىن دا جارىقپەن قام­تا­ما­سىز ەتپەك. ودان بولەك, جەلدەن الىنعان بالاما قۋات كوزى تۇتىنۋشىلار تولەيتىن قارجىنى دا ءبىر­شا­ما ارزانداتپاق. جالپى, ەلباسىنىڭ «100 ناقتى قادام» ۇلت جوسپارىنىڭ 57-ءشى قادامىنا سايكەس, قارقارالى اۋدانىندا تۋريزم سالاسىنىڭ دامۋىنا ۇلكەن كوڭىل ءبولىنىپ كەلە جاتىر. بيىل ەلوردامىزدا وتەتىن ەكسپو-2017 حالىقارالىق كورمەسى اياسىندا تۋريستەردى تارتۋ جايىنا وراي «اstاnا سity Tur», «سايات TRAVEL» سىندى تۋروپەراتورلارمەن قارقارالى مەملەكەتتىك ۇلتتىق تابيعي پاركى ارا­سىندا بىرلەسكەن قىزمەت تۋرالى كەلىسىمشارت جاسالىپ, «سارىارقانىڭ ءىنجۋ مارجا­نى – قارقارالى» مارشرۋتى بەكىتىلگەن ەكەن. اۋ­داندا جالپى 26 تۋريستىك باعىتتاعى نىساندار بار بولسا, ولار ءبىر كۇندە 2576 ادامعا دەيىن قا­بى­ل­داي الادى. سوعان سايكەس بۇگىندە قارقارالى مەم­­لەكەتتىك ۇلتتىق تابيعي پاركىنىڭ اۋماعىندا تۋر­يز­م­دى دامىتۋعا قولايلى 31 جەر ۋچاسكەسى قىسقا ءجا­نە ۇزاق مەرزىمگە بەرىلۋدە. قازىردە شاعىن كەم­پينگتەر, دەمالۋ, تاماقتانۋ ورىندارى اشىلىپ, قارقارالىنىڭ اسەم تابيعاتىن تاماشالاۋعا كە­لەتىن تۋريستەرگە قىزمەت كورسەتۋ ورىندارى ءوز جۇ­مىستارىن قارقىندى جۇرگىزىپ جاتىر. ەكسپو قار­ساڭىندا قارقارالى قالاسىنا ات شالدىراتىن تۋ­ريستەردىڭ ۇزىن سانى 100 مىڭعا جەتپەك. اتال­عان قىزمەتتەرمەن قاتار, كورىكتى دە كونە شا­ھارعا بارۋشىلار ءۇشىن تاس جولداردى جوندەۋ جۇ­مىس­تا­رى­نا دا بيۋدجەتتەن قارجى قا­راس­تى­رىل­عان. ەرتە كوك­تەمنەن باس­تاپ, رەس­پۋب­لي­كا­لىق, وبلىستىق ما­ڭىزى بار 60 شا­قىرىم تاس جولدى ورتاشا ءجون­دەۋگە 650 ملن تەڭگە ءبولىنىپ وتىر. جالپى, قارقارالى اۋدانى الداعى مىندەتتەردى ءبىر ماقساتقا جۇمىلدىرۋ ناتيجەسىندە 2016 جىل­دىڭ باعدارلامالارى مەن ينديكاتورلارىنىڭ تو­لىق ورىندالۋىنا قول جەتكىزىپ, وبلىستىڭ الەۋ­مەتتىك-ەكونوميكالىق دامۋ كورسەتكىشتەرى بوي­ىنشا اۋدان, قالالار ىشىندە بىلتىر ءبىرىنشى ورىنعا شىققان. ميراس اسان, «ەگەمەن قازاقستان» قاراعاندى وبلىسى