ولار وتكەنىن ۇمىتپايدى

بيىل چەشەن جانە ينگۋش حالىقتارىنىڭ ورتالىق ازيا مەن قازاقستانعا جەر اۋدارىلعانىنا 73 جىل تولادى. وسىعان وراي, ەلوردادا «وتكەنىڭدى ۇمىتپا» اتتى ونەگەلى شارا ءوتتى. قالالىق مادەنيەت, مۇراعاتتار جانە قۇجات­تا­ما باسقارماسى مۇرىندىق بولعان كەزدەسۋگە ين­گۋشەتيا رەسپۋبليكاسىنىڭ سىرتقى بايلانىستار, ۇلتتىق ساياسات, ءباسپاسوز جانە اقپارات ءمينيسترىنىڭ ورىنباسارى ل.يا.اراپحانوۆا, ەل­وردا­داعى «ۆايناح» چەشەن-ينگۋش بىرلەستىگىنىڭ اق­ساقالدارى, ل.ن.گۋميلەۆ اتىنداعى ەۋرازيا ۇلت­تىق ۋنيۆەرسيتەتىنىڭ عالىمدارى قاتىستى. جيىندا قازاقستاندا تامىر جايعان چەشەن, ين­گۋش ەتنوستارىنىڭ وكىلدەرى قيىن كەزدەردە ءوز­د­ەرىن سىرتقى تەپپەي, باۋىرىنا تارتقان قازاق حا­ل­قىنا العىستارى شەكسىز ەكەنىن جەتكىزدى. – وتكەن عاسىردىڭ قيىن دا تاۋقىمەتتى جىلدا­رىندا بىزگە كومەك قولىن سوزىپ, دوستىق نيەتىن ءبىل­دىرگەن قازاق حالقىنا, قۇشاعىنا العان ۇلى دا­لا­عا العىسىمىز شەكسىز. ءبىزدى قازاق حالقى ولىمنەن امان الىپ قالدى. ءبىز ونى ەشقاشان ۇمىتپايمىز, بو­لاشاق ۇرپاققا وسى پەيىلدى ساقتاپ قالۋدى امانات ەتەمىز, – دەدى «ۆايناح» بىرلەستىگىنىڭ توراعاسى سالمان گەروەۆ. كەزدەسۋ اياسىندا چەشەن جانە ينگۋش حا­لىق­تارىنىڭ تراگەديالى تاعدىرىنان سىر شەر­تە­تىن كورمە ۇيىمداستىرىلدى. وندا استانا قا­لاسى مەملەكەتتىك مۇراعاتىنىڭ, قاراعاندى وب­لىستىق مەملەكەتتىك مۇراعاتتار قورىنىڭ قۇن­د­ى قۇجاتتارى مەن فوتوجادىگەرلەرى قويىلدى. سو­لاردىڭ ىشىندە كسرو ىشكى ىستەر حالىق كوميسسارى ل.بەريانىڭ سولتۇستىك كاۆكاز تۇرعىندارىن قازاق جانە قىرعىز كسر-لەرىنە تۇراقتى تۇرۋ ءۇشىن جەر اۋدارۋ تۋرالى حابارلاماسى, بايانجازبا­لار, انىقتامالار, مالىمدەمەلەر بار. اقمولا مەن قاراعاندى وبلىستارىنداعى چەشەن-ينگۋش وت­با­سى­لارىنىڭ سانى, ولارعا كورسەتىلگەن قار­جى­لاي كو­مەك, جۇمىسقا ورنالاستىرۋ سىندى دەرەك­تەرگە دە قانىعۋعا بولادى. سونداي-اق, كەزدەسۋدە جيىلعاندار نازارىنا ورتالىق ازيا مەن قازاقستانعا جەر اۋدارىلعان حا­لىق­تار تۋرالى دەرەكتى فيلم ۇسىنىلدى. ارنۇر اسقار, «ەگەمەن قازاقستان»