باعدارلاما باسشىسىمەن كەزدەستى

قازاقستان رەسپۋبليكاسىنداعى ادام قۇقىقتارى جونىندەگى ۋاكىل اسقار شاكىروۆ ەقىۇ دەموكراتيالىق ينستيتۋتتار مەن ادام قۇقىقتارى جونىندەگى بيۋروسى ءدىن بوستاندىعى جونىندەگى باعدارلاماسىنىڭ باسشىسى كيشان مانوچامەن كەزدەستى. كەزدەسۋ بارىسىندا تاراپتار ادامنىڭ ءدىني سەنىم بوستاندىعىنا بە­رىلەتىن قۇقىقتار, ءدىني ۇيىمدار قىز­مەتى, اتالعان سالاداعى حا­لىق­­­ارا­لىق ىنتىماقتاستىق ايا­سىن­داعى وزەك­تى ماسەلەلەردى تال­قىلادى. ­ومبۋدسمەن حالىقارالىق سا­راپ­­شىلاردى قازاقستاننىڭ ءدىن سالا­سىنداعى زاڭنامالىق جانە قۇقىق قولدانۋ پراكتيكاسى, سون­داي-اق, ازاماتتاردىڭ ار-نامىس بوستان­دى­عىنا بەرىلگەن قۇقىقتاردى قور­عاۋ تەتىكتەرى تۋرالى جان-جاقتى اقپا­راتتاندىردى. ەقىۇ/دياقب ساراپشىلارى ءدىن جانە نانىم بوستاندىعى ماسەلە­لەرى بويىنشا حالىقارالىق ستان­دارتتاردى ىلگەرىلەتۋ ءتا­جى­ريبەسىمەن ءبولىستى. اتالعان ءمان ماتىندە قازاق­ستاندا جوعارىدا ءسوز ەتىلگەن ستان­دارتتاردى ىسكە اسىرۋ مۇمكىندىكتەرى تالقىلاندى. كەزدەسۋگە قاتىسۋشىلار ادام­نىڭ ءدىني سەنىمگە بەرىلگەن قۇقىق­تاردى ىسكە اسىرۋ جانە تالقى­لانعان ماسەلەلەر بويىنشا كون­سۋلتاتسيالار جۇرگىزۋ سالاسىن­دا الداعى ۋاقىتتا ءوزارا ىقپال­داسۋ قاجەت­تىگى تۋرالى ورتاق پىكىر ءبىلدىر­دى, دەپ حابارلادى قازا­ق­ستان رەسپۋب­ليكاسىنداعى ادام قۇقىق­تارى جونىندەگى ۋاكىلدىڭ ءباسپاسوز قىزمەتى.