ءبىزدى ءوز باۋىرىنداي كورەدى

قازاق كسر ىشكى ىستەر حالىق كوميسسارياتىنىڭ مالىمەتى بويىنشا 1937 جىلى قازاقستانعا 90 ەشەلونمەن 20 789 وتباسى, 98 454 كورەي ۇلتىنىڭ وكىلدەرى كوشىرىلىپ اكەلىنگەن ەكەن. سونىڭ ءبىر ۇلكەن بولىگى سىر بويىنا قونىستاندىرىلدى. مەن ول كەزدە بار جوعى 11-12 جاستاعى بالا ەدىم. وسى ۋاقىتتان باستاپ سىر وڭىرىندەگى كورەي حالقىنىڭ تاريحى باستالدى. ول كەزدەگى ساياسي-الەۋمەتتىك جاع­داي­دىڭ قازاق حالقى ءۇشىن دە وڭاي سوقپاي تۇر­عانىن كوزىممەن كور­دىم. حالىقتى قۇ­لاز­ىتىپ كەتكەن اشار­شى­لىق, حالىق جاۋى دەگەن جال­عان ايىپتار تاعىلىپ, سايا­سي رەپ­رەسسيالاردىڭ ءجۇر­­­گىزىلۋى سو­نىڭ كۋاسى ەدى. بىزدەر دە قازاق حالقىنىڭ قۇر­مە­تىنە ساي بولۋ ءۇشىن ەلگە, جەرگە دەگەن ىقى­­لا­سى­مىزدى ءبىلدىرۋ ماق­­ساتىمەن بىلەك سىبا­نا ەڭبەككە ارا­لاس­تىق. ءاسى­رەسە, كۇرىش ءوسى­رۋ شا­رۋا­شى­لى­عىن­­دا ايتارلىقتاي جە­تىس­تىك­­تەر­گە قول جەت­كى­زىلدى. وسى ەڭ­بەك­­تەرىمىزدى ەلە­گەن باس­شىلىق وبلىس بوي­ىن­شا كورەي ۇلتى­­نىڭ 28 ازاماتىنا ەڭ­­بەك ەرى اتا­عىن بە­ر­­دى. بۇل جەرگىلىكتى حا­­لىقتىڭ كەڭ پەيى­لى­نەن دەپ بىلەمىز. سىر بويىن قونىستاپ, وركەن جايعان ءبىز­دەرگە اعا ۇرپاق وكىلدەرى اتاپ ايتسام, كورەي حالقىنىڭ ۇلتتىق باتىرى حوم بوم دو, اعارتۋشى-عالىم گە بون ۋ جانە ت.ب. ۇلگى-ونەگە كورسەتىپ, قازاق حالقىمەن باۋ­ىر­لاستىقتىڭ جوعارى دارەجەسىن كور­سەت­­تى. ولار الاشتىڭ اناسىنا باعا­لان­عان قاسيەتتى مەكەندە ماڭگىلىك پانالارىن تا­بۋى دا سونىڭ ايعاعى. قازىرگى تاڭدا بىزگە ەڭ قىمباتى – اۋىز­­بىر­شىلىك, ەلدەگى تاتۋلىق. بۇگىندە قازاق حال­قىنىڭ ىقىلاسى مەن دارقان كوڭىلىنىڭ ار­قاسىندا كوسەگەمىز كوگەرىپ, ءوسىپ-ءونىپ جا­تىرمىز. باسىمىزعا كۇن تۋىپ, زۇلمات كۇندى باستاپ كەشكەندە باۋىرىنا باسقان ەلدىڭ ءبىز ءۇشىن جاقسىلىعى ۇشان-تەڭىز. گە حاك ريم, «قازاقستان كورەيلەر قاۋىمداستىعى قىزىلوردا وبلىستىق فيليالى» اقساقالدار كەڭەسىنىڭ توراعاسى قىزىلوردا