تارازى باسى تەڭەستى

كەشە قۇرلىقتىق حوككەي ليگاسىنىڭ پلەي-وفف كەزەڭىندە استانانىڭ «بارىسى» ءوز ايدىنىندا چەليابىنىڭ «تراكتور» كومانداسىن قابىلداپ, 1:2 ەسەبىمەن جەڭىلىپ قالدى. مۇنىڭ الدىندا «بارىس» قارسىلاسىن 3:1 ەسەبىمەن ۇتقان بولاتىن. ول ويىنداعى ءبىرىنشى شايبا العاشقى كەزەڭ اياقتالار تۇستا سوعىلدى. ايدىن يەلەرىنەن ءبىر ويىنشى كەمدىگىن ءتيىمدى پايدالانعان دميتري پەستۋنوۆ «تراكتوردى» العا شىعاردى. ءۇزى­لىس­تە باپكەر ەدۋارد زانكو­ۆەتستەن جاڭا نۇسقاۋلار العان «بارىس» حوككەيشىلەرى بىردەن شابۋىلعا كوشىپ, 24-مينۋتتا تارازى باسىن تەڭەستىردى. ويىنشى باسىمدىعى كەزىندە نايدجەل دوۋس مەرگەندىگىمەن تانىلدى. ءوز جانكۇيەرلەرىنىڭ الدىندا ونەر كورسەتكەن استانالىقتار ءۇشىنشى كەزەڭدە قارسىلاستارىن ەكى مارتە قاپى قالدىردى. الدى­مەن, نايدجەل دوۋس 41-مينۋتتا ەكىنشى شايباسىن سوقسا, كەزدەسۋدىڭ اياقتالۋىنا ساناۋلى مينۋتتار قالعاندا كوري تريۆينو بوس قاقپانى ءدال كوزدەپ, سوڭعى نۇكتەنى قويدى. سونىمەن, ەكى كوماندا ارا­سىنداعى جالپى ەسەپ 2:2 بولدى. پلەي-وفف ءتارتىبى بويىنشا ءتورت مارتە جەڭىسكە جەتكەن ۇجىم كەلەسى كەزەڭگە جولداما الادى. ايان ءابدۋالي, «ەگەمەن قازاقستان»