ىنتىماقتاستىق ورايىنداعى ساپار

تاياۋدا «استانا» حالىقارالىق قار­جى ورتالىعىنىڭ (احقو) باس­قارۋشىسى قايرات كەلىمبەتوۆ نيدەرلاند كورولدىگىندە بولدى. شەتەلدىك ينۆەستيتسيالاردى تارتۋ بويىنشا مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا ايقىندالعان مىندەتتەردى جۇزەگە اسىرۋ اياسىندا وتكەن ساپاردى قازاق­ستاننىڭ نيدەرلاندتاعى ەلشىلىگى مەن احقو ۇيىمداستىردى. ساپار اياسىندا ق.كەلىمبەتوۆتىڭ ني­دەرلاند قارجى مينيسترلىگى مەن ورتا­لىق بانكى باسشىلىعىمەن, 115 مىڭ كاسىپ­ورىن جۇمىلدىرىلعان نيدەرلاند ونەركاسىپشىلەرى مەن جۇمىس بەرۋشىلەر كونفەدەراتسياسىنىڭ جانە «Residents Corporate Services» جانە ت.ب. كومپانيالار جەتەكشىلەرىمەن كەزدەسۋلەرى ءوتتى. كەلىسسوزدەر بارىسىندا شەتەلدىك كاپيتالى بار كومپانيالاردىڭ سالىق, ۇيىمداستىرۋشىلىق جانە قۇقىقتىق رەتتەۋ جۇيەلەرىن جەتىلدىرۋ ماسەلەلەرى تالقىلاندى. سونداي-اق, ەرەكشە نازار سەنىمدى باسقارۋ مەن كورپوراتيۆتىك قىزمەت كورسەتۋ سالالارىنداعى وزىق گوللاند تاجىريبەسىنە اۋدارىلدى. كەزدەسۋلەر ايا­سىندا تاراپتار قارجى-ينۆەستيتسيالىق ىن­تىماقتاستىقتى دامىتۋ مەن تاجىريبە ال­ماسۋعا ءوزارا مۇددەلىلىك تانىتتى. وعان قوسا, وتاندىق دەلەگاتسيا امستەر­دامداعى دۇنيەجۇزىلىك ساۋدا ور­تا­لىعىنا (WTCA) باردى. دۇنيەجۇزىلىك ساۋدا ورتالىقتارى اسسوتسياتسياسى باس­شى­لىعىمەن بولعان كەلىسسوزدەر قو­رى­تىن­دى­سى بويىنشا «استانا» حا­لىق­ارالىق قار­جى ورتالىعىن دامىتۋ ايا­سىنداعى ىنتىماقتاستىقتى ءوربىتۋ ماق­ساتىندا «WTCA» ساراپشىلارىنىڭ ەل­ور­داعا ساپارىن ۇيىمداستىرۋ بويىنشا ۋاع­دالاستىققا قول جەتكىزىلدى, دەپ حابار­لا­دى سىرتقى ىستەر مينيسترلىگىنىڭ باس­پا­سوز قىزمەتى.