اتىراۋ مۇناي وڭدەۋ زاۋىتى 2017 جىلى 5 جوبا جۇزەگە اسىرادى

اتىراۋ مۇناي وڭدەۋ زاۋىتى 2017 جىلى 77 ملن تەڭگەگە 5 جوبانى جۇزەگە اسىرادى, دەپ حابارلادى «سامۇرىق-قازىنا» اق. باعدارلاما بويىنشا 2016 جىلى مۇناي وڭدەۋ زاۋىتتارى مەن جانار-ماي ستانتسيالارىنىڭ, جانە كورپوراتيۆتىك ورتالىق قىزمەتكەرلەرى وقۋ وقىپ, ناتيجەسىندە 23 جوبا ماقۇلداندى. بۇل جوبالاردى ىسكە اسىرۋدان تۇسەتىن ەكونوميكالىق پايدا «قمگ – وڭدەۋ جانە ماركەتينگ» كومپانيالار توبى بويىنشا 2017 جىلى شامامەن  350 ملن تەڭگەنى قۇرايدى. اتىراۋ مۇناي وڭدەۋ زاۋىتىندا ء(اموز) 2017 جىلى 5 جوبا ىسكە اسىرىلىپ جاتىر, الدىن-الا ەسەپ بويىنشا ولاردان تۇسەتىن پايدا 77 ملن تەڭگەنى قۇراماق. وسى ۋاقىت ارالىعىندا بارلىعى 30 مىڭ ۇدەرىستى قايتا قاراپ, ۇلتتىق كومپانيالارداعى باسقارۋ ساتىلارىن 9-دان 4-5-كە دەيىن قىسقارتتىق. بۇل فۋنكتسيالاردىڭ قايتالانۋى, ارتىق ەسەپتەر مەن ەسكىرگەن ەرەجەرلەر سياقتى كەرەكسىز قىزمەتتى قىسقارتۋعا جول اشتى. ءوندىرىس ورىندارىندا ترانسفورماتسيا باعدارلاماسى العاشقى ەكونوميكالىق پايداسىن بەرە باستادى. مىسالى, ءاموز-دە بيزنەس-ۇدەرىستەردىڭ رەينجينيرينگى ەڭبەك ونىمدىلىگىن 50%-عا ارتتىرۋعا كومەكتەستى. بۇعان قوسا, ءاموز-دە وندىرىستىك ۇدەرىستەردى باسقارۋ جۇيەسى (MES) ەنگىزىلگەن. اۆتوماتتاندىرىلعان زاماناۋي جۇيە وندىرىستىك ۇدەرىستەردى ءتيىمدى باسقارۋعا كومەكتەسەدى. جۇيە مۇناي ونىمدەرىن ولشەۋ جانە ماتەريالدار قوزعالىسى تۋرالى مالىمەتتەردى ساراپتاۋ ۇدەرىسىنە ادامي فاكتوردىڭ ىقپالىن مەيلىنشە ازايتۋعا مۇمكىندىك بەرەدى. ناتيجەسىندە, وندىرىستىك اقپاراتتىڭ دالدىگى جوعارىلاپ, نەعۇرلىم ءتيىمدى شەشىمدەر قابىلدانادى. ومىرزاق شوكەەۆ ءاموز مودەرنيزاتسياسىنىڭ ىسكە اسۋ بارىسىمەن تانىستى. قازىرگى كۇنى مودەرنيزاتسيانىڭ ەكىنشى كەزەڭى اياقتالدى, ونىڭ اياسىندا جانار-جاعارمايدىڭ جوعارعى وكتاندى قۇرامداس بولىكتەرى, جانە جىلىنا 133 000 توننا بەنزول مەن 496 000 توننا پاراكسيلول وندىرەتىن كەشەن سالىندى. ءاموز مودەرنيزاتسياسىنىڭ ءۇشىنشى كەزەڭىندە موتورلىق جانارماي ءوندىرىسىنىڭ كولەمىن ارتتىراتىن مۇنايدى تەرەڭ وڭدەۋ كەشەنىنىڭ قۇرىلىسى اياقتالۋدا. وندىرىلەتىن جانارماي كەدەندىك وداقتىڭ تەحنيكالىق رەگلامەنتىندەگى تالاپتارعا ساي ك4, ك5 ەكولوگيالىق ساناتتارىنا جاتاتىن بولادى. قۇرىلىستىڭ اياقتالۋى جانە ىسكە قوسۋ جۇمىستارى 2017 جىلدىڭ 2 توقسانىنا جوسپارلانعان.