ىنتىماقتاستىق جايى تالقىلاندى

ۇكىمەت باسشىسى باقىتجان ساعىنتاەۆ «Jumore» كومپانياسىنىڭ پرەزيدەنتىمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا مەم­لەكەت باسشىسىنىڭ ەلىمىزدىڭ ەكونوميكالىق ءوسىمنىڭ جاڭا ۇلگىسىنە اۋىسۋىنا قاتىستى تاپ­سىرمالارىن ىسكە اسىرۋ اياسىندا تسيفرلى تەحنولوگيالار, قارجى تەحنولوگيالارى مەن قۇرال­دارىن دامىتۋ سالاسىن­داعى ىنتى­ماقتاستىق كەلەشەگى تالقىلاندى. سونداي-اق, پرەمەر-مينيستر وسى كۇنى ەۋروپا قايتا قۇرۋ جانە دامۋ بانكىنىڭ ينفراقۇرىلىم ءجونىن­دەگى باسقارۋشى ديرەكتورى توماس مايەرمەن كەزدەسۋ وتكىزدى. كەزدەسۋدە قازاق­­ستان­­­نىڭ حا­لىق­ارالىق قار­جى ينس­­­تي­­تۋ­ت­­تارى­مەن تۇرعىن ءۇي-كوم­­مۋ­­نال­­دىق شارۋاشىلىعى, كولىك جانە «جاسىل» ەكونوميكا سالا­سىن­دا­عى ىن­­­تى­­ماقتاس­تىعى ماسەلەلەرى ءسوز بولدى. پرەمەر-مينيستر باقىتجان ساعىنتاەۆ كەشە مەملەكەت باس­شى­سىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حال­قىنا جولداۋىن ىسكە اسىرۋ ماسە­لەلەرى بويىنشا ەلىمىز­دىڭ بيزنەس قاۋىمداستىعىنىڭ وكىلدەرىمەن كەزدەسۋ وتكىزدى. وندا قازاق­ستاننىڭ ءۇشىنشى جاڭعىرۋىنىڭ مىندەتتەرىن ىسكە اسىرۋ ماسەلەلەرى, سونىڭ ىشىندە, ەكونوميكالىق ءوسىمنىڭ جاڭا ۇلگىسىنە اۋىسۋ, جاڭا يندۋستريالاردى قۇرۋ, بيزنەس-ورتانى تۇبەگەيلى جاقسارتۋ جانە كەڭەيتۋ ماسەلەلەرى تالقىلاندى.