پرەمەر-مينيستر جامبىل وبلىسىنداعى قايعىلى وقيعانى تەرگەۋ بارىسىن جەكە باقىلاۋىنا الدى, دەپ حابارلايدى قازاقپارات
باقىتجان ساعىنتاەۆ قورعانىس ءمينيسترى س.جاسۇزاقوۆ پەن ىشكى ىستەر ءمينيسترى ق.قاسىموۆتىڭ جامبىل وبلىسىنداعى قايعىلى وقيعاعا قاتىستى ەسەپتەرىن تىڭدادى.
مينيستر س.جاسۇزاقوۆ وقيعا ورنىندا ىزدەستىرۋ-قۇتقارۋ جۇمىستارىن جۇرگىزۋ بويىنشا قولعا الىنعان ءىس-شارالار بارىسى تۋرالى باياندادى. ۋاكىلەتتى ورگان سوتقا دەيىنگى تەكسەرۋ جۇمىستارىن باستادى. اسكەري بولىمدە تاراز گارنيزونىنىڭ قىزمەتكەرلەرى جۇمىس ىستەۋدە.
پرەمەر-مينيستر قايعىلى وقيعانى تەكسەرۋگە بايلانىستى ۇكىمەت كوميسسياسىن قۇرۋدى تاپسىردى.
قورعانىس ءمينيسترى ساكەن جاسۇزاقوۆقا وقيعا ورنىنا ۇشىپ بارۋ تاپسىرىلدى. تەكسەرۋ بارىسىن پرەمەر-مينيستر ءوزىنىڭ جەكە باقىلاۋىنا الدى.
ەسكە سالا كەتەيىك, 17 اقپاندا جامبىل وبلىسىنداعى كوكساي شاتقالىندا ءوتىپ جاتقان 91678 اسكەري ءبولىمى اسكەري قىزمەتشىلەرىنىڭ جاۋىنگەرلىك دايىندىعى بويىنشا جوسپارلى ساباعى بارىسىندا كۇتپەگەن جەردەن قار كوشكىنى ءتۇسكەن. جاۋىنگەرلىك دايىندىق ساباعىنا بارلىعى 23 ادام قاتىسقان. قازىرگى تاڭدا جامبىل وبلىسى كوكساي شاتقالىنداعى ىزدەستىرۋ-قۇتقارۋ جۇمىستارى اياقتالدى, 7 اسكەري قىزمەتشى قازا تاپتى.
• 17 اقپان, 2017
پرەمەر جامبىلداعى وقيعانى تەرگەۋ بارىسىن باقىلاۋىنا الدى
سوڭعى جاڭالىقتار
شىعىس قازاقستانداعى ەڭ كوپ ىشىمدىك ىشەتىن ەلدى مەكەن اتالدى
ايماقتار • كەشە
ەرتەڭ ەلىمىزدىڭ باسىم بولىگىندە نايزاعاي ويناپ, جاڭبىر جاۋادى
اۋا رايى • كەشە
بۇگىن ەلىمىزدىڭ بىرقاتار وڭىرىندە جاڭبىر مەن نايزاعاي كۇتىلەدى
اۋا رايى • كەشە
استانا مەن الماتىدا دوللار قانشادان ساتىلىپ جاتىر؟
قارجى • كەشە
