كاسىپكەرلەر ەندى سالىق داۋلارىن سوتقا جۇگىنبەي-اق شەشە الادى

بيزنەس-جۇرتىشىلىق الدىندا ءسوز سويلەگەن باس پروكۋرور الماتىنىڭ ەل ەكونوميكاسىنىڭ بەستەن ءبىر بولىگىن جانە رەسپۋبليكالىق بيۋدجەت ءتۇسىمىنىڭ ۇشتەن ءبىرىن قۇرايتىندىعىن ەرەكشە اتاپ ءوتتى. قازاقستاننىڭ قارجىلىق نارىعىنىڭ 90%-ى وسى جەرگە شوعىرلانعان.

ەل ەكونوميكاسىنىڭ بازالىق قۇرامداستارىنىڭ ءبىرى رەتىندە, كاسىپكەرلىكتى دامىتۋدىڭ ەرەكشە ءرولىن اتاپ وتكەن باس پروكۋرور بيزنەستى قورعاۋ ماقساتىندا پروكۋراتۋرا قابىلداپ جاتقان شارالار تۋرالى ايتتى. باس پروكۋراتۋرانىڭ, «اتامەكەن» ۇكپ-نىڭ جانە «نۇر وتان» پارتياسى جانىنداعى رقسجقىك-ءنىڭ بىرلەسكەن جوباسى – «بيزنەستى پروكۋرورلىق قورعاۋدىڭ» نەگىزگى باعىتتارىنا توقتالدى. ەلىمىزدە جايلى بيزنەس-كليمات قۇرۋ بويىنشا جۇرىگىزىلىپ جاتقان جۇمىستىڭ ناتيجەلەرىمەن ءبولىستى.

باس پروكۋروردىڭ سوزىنشە, سەس پەن تج جەلىسى بويىنشا تەكسەرىستەر بويىنشا 11 مىڭ تالاپ جويىلماق. ادامداردىڭ قاۋىپسىزدىگى مەن دەنساۋلىعى ءۇشىن ماڭىزدى 3 مىڭ تالاپ قانا قالادى. مەملەكەت باسشىسىنىڭ تاپسىرماسىن ورىنداۋ شەڭبەرىندە اكىمشپروتسەستى ىزگىلەندىرۋ بويىنشا ماسەلەلەر پىسىقتالۋدا. اتاپ ايتقاندا, جەڭىلدەتەتىن ءمان-جايلار كەزىندە بيزنەس ءۇشىن اكىمشايىپپۇلداردى 30%-عاتومەندەتۋ جونىندەگى ۇسىنىستار قازىرگى ۋاقىتتا ماجىلىستە تۇر. ەكونوميكالىق قىلمىستار قوزعاۋداعى تاسىلدەردى وزگەرتتىك. قىلمىستى تەك تەكسەرىستەر مەن زيان اكتىلەرى بار بولسا عانا تىركەيمىز. ناتيجەسىندە قىلمىستىق ىستەر 10 ەسەگە اازايدى (فورۋمعا دەيىن – 6 مىڭ, كەيىن- 560).

2017 جىلدىڭ 1 شىلدەسىنەن باستاپ كاسىپكەرلەردىڭ ۇزاققا سوزىلاتىن سوت تالقىلاۋلارى مەن وراسان زور شىعىندارسىز فيسكالدارمەن بولاتىن داۋلاردى شەشە الاتىندىعىنا نازار اۋدارىلدى. ول ءۇشىن سالىق جانە كەدەن داۋلارى بويىنشا سوتقا دەيىنگى اپەللياتسيا ينستيتۋتى قۇرىلدى.

ءوز سوزىندە جاقىپ اسانوۆ ۋاكىلەتتى ورگانداردىڭ جۇمىسىنداعى جەكەلەگەن جۇيەلى كەمشىلىكتەردى, سونداي-اق پروبلەمالى ماسەلەلەردى اتادى. قاراعاندى قالاسىنداعى تەكسەرىستەر بويىنشا جۇمىستىنڭ ناتيجەلەرى تۋرالى ايتتى, وندا باس پروكۋراتۋرا بريگاداسى بيزنەس وكىلدەرىن قىلمىستىق پروتسەسكە زاڭسىز تارتۋ, زاڭسىز تەكسەرىستەردىڭ ۋاقىتىلى جولىن كەسۋ بويىنشا شارالار قابىلداماۋ, كاسىپكەرلەردىڭ وتىنىشتەرىن ساپاسىز قاراۋ فاكتىلەرىن انىقتادى.

باس پروكۋراتۋرا ەلەكتروندىق فورماتقا, قىلمىستىق پروتسەستى جەڭىلدەتۋگە جانە جەدەلدەتۋگە كوشۋدى ۇسىنادى.

«جەدەل قىزمەتكەرلەر, تەرگەۋشىلەر نەمەسە پروكۋرورلار قىلمىستىق پروتسەستە وزدەرىن قوجايىن سەزىنبەۋلەرى ءۇشىن, ەلەكتروندىق قىلمىستىق ءىستى ەنگىزەتىن بولامىز. بۇل بارلىعى اشىق بولۋ ءۇشىن قاجەت. كەز كەلگەن ۋاقىتتا نە بولىپ جاتقانىن باقىلاۋ جانە بۇزىلعان قۇقىقتىڭ سۇراۋىن تالاپ ەتۋ ءۇشىن كەرەك. تەرگەپ-تەكسەرۋ مەرزىمدەرىن قىسقارتامىز, اسىرەسە ايقىن قىلمىستار بويىنشا. الەمنىڭ وزگە ەلدەرىنەن كورىپ وتىرعانىزداي, ىستەردى بىزدەگىدەي 3-5 ايدا ەمەس 1-2 كۇندە اياقتايدى», – دەدى باس پروكۋرور ايماق كاسىپكەرلەرىمەن كەزدەسۋدە.

قاداعالاۋ ۆەدومستۆوسىنىڭ باسشىسى بيزنەستى قورعاۋ ماسەلەلەرى بويىنشا ەلەكتروندىق سەرۆيستەردى دامىتۋدى ۇسىندى. جاقىن ۋاقىتتا «بيزنەس-تىرەگى» پورتالىنىڭ ءموبيلدى قوسىمشاسى  ىسكە قوسىلاتىن بولادى. باس پروكۋراتۋرانىڭ سايتىندا «زاڭدى بىرگە جاقسارتايىق» اتتى ارنايى فورمۋليار بار, وندا كاسىپكەرلەر بيزنەستىڭ دامۋىنا كەدەرگى كەلتىرەتىن نورمالاردى كورسەتە الادى. ونىڭ پىكىرىنشە, بيزنەس-قوعامداستىقتار قۇقىقتىق بازانى جاقسارتۋعا بەلسەندىرەك قوسىلۋى ءتيىس. «بيزنەستىڭ پروبلەمالارىن بيزنەسمەندەردىڭ وزدەرىنەن ارتىق بىلەتىن ەشكىم جوق», دەپ اتاپ ءوتتى  ج.اسانوۆ.

جاقىپ اسانوۆ  مەملەكەت باسشىسىنىڭ جولداۋىنداعى نەگىزگى باعىتتار مەن باعدارلار تۋرالى ايتتى. بۇل – بيزنەستى دامىتۋ, سالىق زاڭناماسىن جەڭىلدەتۋ, باقىلاۋ-قاداعالاۋ فۋنكتسيالارىنا اۋقىمدى تەكسەرىستەر جۇرگىزۋ.

كونستيتۋتسيالىق رەفورماعا جەكە توقتالىپ ءوتتى. اتاپ ايتقاندا, ۇسىنىلىپ وتىرعان كونستيتۋتسيانىڭ 26-بابىنا تۇزەتۋلەرگە توقتالدى. ول تۇزەتۋلەردىڭ شەتەلدىكتەرگە جەر بەرۋ ماسەلەلەرىن كوزدەمەيتىندىگىن اتاپ ءوتتى. جەر ماسەلەلەرى نەگىزگى زاڭنىڭ 6-بابىندا بەكىتىلگەن, جانە ول وزگەرتىلمەيدى.

كەزدەسۋدە سونداي-اق الماتى ق. اكىمىنىڭ ورىنباسارى ەرلان اۋكەنوۆ پەن الماتى ق. كاسىپكەرلەر پالاتاسىنىڭ ديرەكتورى  يۋري تىلەۋمۇراتوۆ ءسوز سويلەدى.

كەزدەسۋ بارىسىندا بيزنەستى جۇيەلى جەتىلدىرۋ بويىنشا ايماق كاسىپكەرلەرىمەن قىزۋ پىكىر الماسۋ ءوتتى.