اتىراۋدا قۇسبەگىلەر باس قوسادى

اقپاننىڭ 18-19 كۇندەرى اتىراۋ قالاسىندا قۇسبەگىلەر اراسىندا رەسپۋبليكالىق تۋرنير ۇيىمداستىرىلادى, دەپ حابارلايدى abctv.kz. ۇلتتىق سپورت تۇرلەرىنەن وتەتىن «قانسونار-2017» قۇسبەگىلەر تۋرنيرىنە قازاقستاننىڭ ءار وڭىرىنەن 30 بۇركىت, جەتى قارشىعا كەلەدى دەپ كۇتىلۋدە. ءتورت كەزەڭنەن تۇراتىن سايىستا بۇركىتتەر قويان, قارساق جانە قاسقىر اۋلاۋ بويىنشا سىنعا تۇسەدى. قازىرگى كەزدە اڭدار دەنەسىنە زاقىم كەلتىرىلمەي جالاڭ قولمەن اۋلانىپ, توردا كۇتىپ ۇستالىنۋدا. اتىراۋ وبلىستىق ۇلتتىق سپورت كلۋبىنىڭ باسشىسى ونەربەك جانبالانىڭ ايتۋىنشا, بۇعان دەيىن مۇنداي تۋرنير اتىراۋدا وسىدان توعىز جىل بۇرىن وتكەن. بۇركىتتىڭ بابى مەن باعىن كەلىستىرگەن قۇسبەگىلەرگە ءبىرىنشى ورىن ءۇشىن 300 مىڭ تەڭگە, ەكىنشى ورىنعا 200 مىڭ جانە ءۇشىنشى ورىن ءۇشىن 100 مىڭ تەڭگە سىياقى تىگىلمەك. «تۋرنيردە اتىراۋ وبلىسىنىڭ نامىسىن ءۇش قۇسبەگى قورعايتىن بولادى. ولاردىڭ ىشىندە ارمان قوشقاروۆتىڭ «نارىن» دەگەن بۇركىتى 2014 جىلى وتكەن حالىقارالىق تۋرنيردە ۆەنگريا, قىتاي, قىرعىزستان, رەسەي, چەحوسلوۆاكيا ەلدەرىنەن كەلگەن 64 بۇركىتتىڭ اراسىنان باس بايگەنى جەڭىپ العان. قازاقستاننىڭ ەكى دۇركىن چەمپيونى اتاعىنا يە», – دەيدى ۇلتتىق سپورت كلۋبىنىڭ باسشىسى ونەربەك جانبالا. ءتۋرنيردىڭ اشىلۋى 18 اقپان كۇنى ساعات 10.00 دە اتىراۋ دەنە شىنىقتىرۋ-ساۋىقتىرۋ كەشەنىندە باستالادى دەپ جوسپارلانعان. ال, قۇسبەگىلەر سايىسى ساعات 11.00-دە جاڭاتالاپ اۋىلىنداعى «قۇلاگەر» يپپودرومىنىڭ ماڭىندا, «جايىق» جاعاسىندا وتەدى.