قازاقستان قورعانىسقا قارجى ءبولۋدى ازايتتى

قر قورعانىسى مەن قوعامدىق قاۋىپسىزدىكتى قارجىلاندىرۋ كولەمى 2016 جىلى 1 ترلن تەڭگەنى قۇرادى. بۇل 2015 جىلعىمەن سالىستىرعاندا 1,1 پايىزعا ارتىق. سونىڭ ىشىندە قورعانىس سالاسىنا قارجى ءبولۋ 3 پايىزعا ازايسا, قوعامدىق ءتارتىپتى قامتاماسىز ەتۋگە بەرىلەتىن قاراجات 5 پايىز كوبەيگەن, دەپ جازادى ranking.kz. قورعانىس پەن قوعامدىق تارتىپكە بيۋدجەت شىعىنىنىڭ 11 پايىزى جۇمسالادى. بۇل سالا كولەمى جاعىنان ءۇشىنشى ورىندا. ال ءبىرىنشى جانە ەكىنشى ورىندا الەۋمەتتىك قولداۋ (21%) جانە ءبىلىم بەرۋ (18%). قورعانىس پەن قوعامدىق ءتارتىپتى قامتاماسىز ەتۋگە بولىنەتىن قارجىنىڭ 41-43 پايىزى قورعانىسقا باعىتتالسا, قالعانى قوعامدىق ءتارتىپ, قاۋىپسىزدىك, قۇقىقتىق, سوت جانە قىلمىستىڭ الدىن الۋ قىزمەتتەرىنە جۇمسالادى. جالپى, بۇل سالا نەگىزىنەن رەسپۋبليكالىق بيۋدجەت تاراپىنان قارجىلاندىرىلادى. ناقتىراق ايتار بولساق, شىعىننىڭ 86 پايىزى رەسپۋبليكالىق بيۋدجەتتەن, قالعان 14 پايىزى جەرگىلىكتى بيۋدجەتتەن بولىنەدى. قورعانىس سالاسىنا ەڭ كوپ قارجى بولەتىن وڭىرلەردىڭ كوشىن وقو, اقمولا جانە الماتى وبلىسىنىڭ ۇشتىگى باستاپ تۇر. ودان كەيىنگى ورىنداردا المات مەن قاراعاندى وبلىستارى. ال قوعامدىق ءتارتىپتى قاداعالاۋ تۇرعىسىنان ەڭ كوپ قارجى بولەتىن وڭىرلەر الماتى قالاسى مەن وقو. ودان كەيىنگى ورىندا استانا قالاسى. استانادان كەيىن تيىسىنشە قاراعاندى, الماتى وبلىسى مەن شقو.