وقو-دا 2020 جىلى ونەركاسىپ ءونىمىنىڭ كولەمى 1,1 ترلن. تەڭگەگە جەتپەك. بۇل تۋرالى بۇگىن وڭتۇستىك قازاقستان وبلىسىنىڭ اكىمى ج.تۇيمەباەۆ حالىققا ەسەپ بەرۋ كەزدەسۋى جيىنىندا ايتتى. ونىڭ ايتۋىنشا, ونەركاسىپ ءونىمىنىڭ كولەمى 2020 جىلى 1,1 ترلن. تەڭگەگە جەتىپ, ورتاشا ەسەپپەن ناقتى كولەم يندەكسىنىڭ ءوسىمى جىل سايىن 2-3 پايىز دەڭگەيىندە جوسپارلانۋدا.
بۇل كورسەتكىشكە جەتۋ ءۇشىن يندۋستريالاندىرۋ كارتاسى اياسىندا 2017-2020 جىلدارى 91 جوبا ىسكە قوسىلۋى كەرەك. ونىڭ ىشىندە 2017 جىلى 20 جوبانى ىسكە اسىرىلادى دەپ كۇتىلۋدە. «ەلباسى بيىلعى جىلعى قازاقستان حالقىنا ارناعان جولداۋىندا جاڭا يندۋستريالار قۇرۋمەن قاتار, ءداستۇرلى ونەركاسىپتىڭ باسىم سالالارىنا ەرەكشە كوڭىل ءبولىپ وتىر. مۇندا باسەكەگە قابىلەتتى ەكسپورتقا باعىتتالعان وندىرىستەردى دامىتۋ مىندەتتەرى قويىلدى. وسى ماقساتتا, وبلىس ەكونوميكاسىنا 1 ترلن. تەڭگەدەن استام ينۆەستيتسيا تارتىلىپ, بىرقاتار, ءىرى جوبالار جۇزەگە اسىرىلادى»,-دەدى اكىم. ولار, ينۆەستيتسيا كولەمى 580 ملرد.تەڭگەنى قۇرايتىن «پەترو قازاقستان ويل پروداكتس» مۇناي وڭدەۋ زاۋىتىن جاڭعىرتۋ مەن 5,5 ملرد. تەڭگە ينۆەستيتسيا تارتىلاتىن «HILL Corporation» جشس-ءنىڭ پايدالانعان مايلاردى رەگەنەراتسيالاۋ جوباسى. سونىمەن قاتار, 20 ملرد. تەڭگەگە «شىمكەنتتسەمەنت» زاۋىتىن جاڭعىرتۋ, 3,5 ملرد تەڭگەگە «Azala Fabric» جشس-ءنىڭ دايىن توقىما بۇيىمدارى ءوندىرىسىن كەڭەيتۋ مەن ينۆەستيتسيا كولەمى 19,8 ملرد. تەڭگە بولاتىن «شىمكەنتسكايا حيميچەسكايا كومپانيا» ەتيل ترەت-ءبۋتيلدى ەفيرىنىڭ جانە پوليپروپيلەن ءوندىرىسىن شىعاراتىن كاسىپورىن مەن مۇناي وڭدەۋ «Standart Petroleum&Co» زاۋىتى. ينۆەستيتسيا كولەمى 21,8 ملرد.تەڭگە, ىسكە اسىرۋ مەرزىمى 2020 جىل.
