• 17 اقپان, 2017

وڭتۇستىك قازاقستان وبلىسىنىڭ اكىمى حالىققا ەسەپ بەردى

394 رەت

كورسەتىلدى

4 مين

وقۋ ءۇشىن

Egemen Qazaqstan

بۇگىن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ 2016 جىلى اتقارىلعان جۇمىستار بويىنشا حالىق الدىندا ەسەپ بەردى. وندا اكىم وتكەن 2016 جىلى ءوڭىرىمىزدىڭ ەكونوميكالىق جانە الەۋمەتتىك سالالارىندا اتقارىلعان جۇمىستارعا توقتالىپ, الداعى جىلدارى ىسكە اسىرىلاتىن جۇمىس جوسپارلارى تۋرالى باياندادى. ەسەپتى كەزدەسۋگە جەرگىلىكتى تۇرعىندارمەن قاتار, قر پارلامەنتى سەناتىنىڭ دەپۋتاتى ق.ايتاحانوۆ پەن ءا.بەكتاەۆ جəنە قر پرەزيدەنتى اكىمشىلىگىنىڭ مەملەكەتتىك ينسپەكتورى م.يماندوسوۆ قاتىستى. ايتا كەتەيىك, ءوڭىر باسشىسىنىڭ حالىق الدىنداعى جىلدىق ەسەبى بيىل العاش رەت ونلاين رەجيمدە وڭتۇستىك قازاقستان وبلىسى اكىمدىگىنىڭ ontustik.gov.kz سايتىنان كورسەتىلىپ, 3 ميلليونعا جۋىق حالقى بار كۇنگەي تۇرعىندارىن قامتۋدا. سونداي-اق, قازىرگى تۇركىستان سارايىندا ءوتىپ جاتقان جىلدىق ەسەپتەن بولەك, ءاربىر اۋدان, قالالارداعى اكىمدىكتەردە دە جەرگىلىكتى حالىق جينالىپ, جالپى سانى 5 مىڭنان استام وڭتۇستىك تۇرعىنى اتقارىلعان جۇمىستاردىڭ بارىسىن ونلاين رەجيمدە تىڭداۋدا. وتكەن 2016 جىلى اتقارىلعان جۇمىستارعا توقتالعان ءوڭىر باسشىسى ونەركاسىپ سالاسىندا 776,8 ملرد. تەڭگەنىڭ ءونىمى ءوندىرىلىپ, 2015 جىلمەن سالىستىرعاندا 4,4%-عا ارتقانىن ايتتى. بۇل كورسەتكىش بويىنشا ءبىزدىڭ وبلىس رەسپۋبليكادا 3 ورىندى يەلەنىپ وتىر. يندۋستريالدىق – يننوۆاتسيالىق دامۋ باعدارلاماسىنىڭ اياسىندا بىلتىر 19 جوبا ىسكە قوسىلىپ, 600-دەن استام جۇمىس ورنى اشىلدى. 2016 جىلى يندۋستريالدى ايماقتارىندا 15 جوبا ىسكە قوسىلىپ, 6 ملرد. تەڭگە ينۆەستيتسيا تارتىلدى. جالپى, وبلىستاعى يندۋستريالدى ايماقتاردا 200,5 ملرد.تەڭگەگە 170 جوبانى ىسكە اسىرىپ, 12 مىڭنان استام جۇمىس ورنىن قۇرۋ جوسپارلانعان. «بيزنەستىڭ جول كارتاسى - 2020» باعدارلاماسى اياسىندا 303 جوباعا قولداۋ كورسەتىلىپ, 2126 جۇمىس ورنى قۇرىلدى. بارلىق اۋدان, قالالاردا "كاسىپكەرلەرگە قىزمەت كورسەتۋ ورتالىقتارى" ارقىلى 37 232 ادامعا كومەك كورسەتىلدى. وبلىس ەكونوميكاسىنا وتكەن جىلى 380,6 ملرد.تەڭگە ينۆەستيتسيا تارتىلدى. ەسەپتى جىلى وبلىستا 530 مىڭ شارشى مەتر تۇرعىن ءۇي پايدالانۋعا بەرىلدى. دەنساۋلىق ساقتاۋ سالاسىندا 4 نىسان, ءبىلىم سالاسىندا 39, ال مادەنيەت سالاسىندا 8, سپورت سالاسىندا 2 نىسان قولدانىسقا بەرىلدى. سونداي-اق, «جۇمىسپەن قامتۋ 2020 جول كارتاسى» باعدارلاماسى بويىنشا 18,8 ملرد. تەڭگە يگەرىلىپ, ناتيجەسىندە 72,2 مىڭ ادام قامتىلىپ, وسى باعدارلاما اياسىندا 36,2 مىڭ تۇراقتى جۇمىس ورنى قۇرىلدى. وتكەن جىلى ايماقتا 24 اۋىز سۋ, 25 تابيعي گاز نىساندارى پايدالانۋعا بەرىلسە, 640,9 شاقىرىم اۆتوموبيل جولدارى مەن ەلدى مەكەن كوشەلەرىنە قۇرىلىس-جوندەۋ جۇمىستارى جۇرگىزىلدى. بۇل وتكەن 2016 جىلى اتقارىلعان جۇمىستاردىڭ ءبىر پاراسى عانا. «سوڭعى جىلدارى وبلىستىڭ اگروونەركاسىپتىك ءوندىرىسىنىڭ دامۋىندا وڭ ۇردىستەر بايقالىپ وتىر. اۋىل شارۋاشىلىعىندا جالپى ءونىمىنىڭ ءوسۋ ديناميكاسى ساقتالىپ, ەگىن شارۋاشىلىعىن ءارتاراپتاندىرۋ, اسىل تۇقىمداندىرۋ بويىنشا جۇمىستار جالعاسۋدا. بۇل مەملەكەتتىڭ بەلسەندى بيۋدجەتتىك ساياساتىنىڭ ارقاسىندا مۇمكىن بولۋدا. ەسەپتى جىلى اۋىل شارۋاشىلىعىنىڭ جالپى ءونىم كولەمى 445 ملرد. تەڭگەنى قۇراپ, 2015 جىلدىڭ سايكەس كەزەڭىمەن سالىستىرعاندا 4,9% ارتتى. ەگىس كولەمى 13 مىڭ گەكتارعا ۇلعايىپ, 788,8 مىڭ گەكتار بولدى»,- دەدى اكىم. ايتا كەتۋ كەرەك, وڭتۇستىك ديقاندارى بىلتىر ورتاشا ەسەپپەن 633 مىڭ توننا ءداندى داقىل جيناسا, ول 2015 جىلمەن سالىستىرعاندا 8,9%-عا ارتىق. ءداندى داقىلدىڭ تۇسىمدىلىگى ورتاشا 25,1 تسن/گا قۇراپ, قازاقستاننىڭ تاۋەلسىزدىك كەزەڭىندەگى ەڭ ۇلكەن رەكوردتىق كورسەتكىشكە قول جەتكىزىلدى. سونىمەن قاتار, 2016 جىلى 1060 مىڭ توننا كوكونىس, 1264 مىڭ توننا باقشا ونىمدەرى, 268 مىڭ توننا كارتوپ, 287 مىڭ توننا ماقتا جينالدى. بۇل جوعارعى ونىمدىلىك ەڭبەكقور دا ىسكەر جەرلەستەرىمىزدىڭ ارقاسى دەپ بىلەمىز.