تۇپ-تۋرا ءبىر عاسىردان كەيىن مارس عالامشارىندا مىنا سۋرەتتەگىدەي كىشكەنە قالاشىق بوي كوتەرەتىن بولماق. بۇل تۋرالى دۋباي قالاسىندا وتكەن بۇكىلالەمدىك ۇكىمەتتىك سامميت اياسىندا بىرىككەن اراب امىرلىگىنىڭ بيلىگى جاريا ەتتى. ءتىپتى, قاتىسۋشىلارعا بولاشاق قالاسىنىڭ جوسپارى مەن ماكەتى دە كورسەتىلدى, دەپ جازادى muslim.kz.
جوبانىڭ تانىستىرىلىمىندا ءباا-ءنىڭ پرەمەر-ءمينيسترى جانە دۋباي ءامىرشىسى مۋحامماد بين راشيد ءال-ماقتۋمنىڭ ءوزى قاتىسىپ, جوبا ماڭىزدىلىعىنا توقتالدى.
«مارس 2117» دەپ اتالاتىن قالاشىق قۇرىلىسىنا ەكى حالىقارالىق ۇيىم اتسالىساتىن بولادى. بۇعان قوسا, الەمدىك عىلىمي-زەرتتەۋ ينستيتۋتتارى دا جۇمىلدىرىلماق. ءبىر عاسىرعا ەسەپتەلگەن جوبا اياسىندا قىزىل عالامشارعا ازىق-ت ۇلىك جەتكىزۋ جانە ادام تاسىمالىن قامتاماسىز ەتەتىن ماماندار دايارلاۋ ءىسى قاراستىرىلعان.
