2016 جىلى قازاقستاننىڭ ەاەو ەلدەرىمەن ساۋداسى تومەندەدى

2016 جىلى قازاقستاننىڭ ەاەو ەلدەرىمەن ساۋداسى 16,8 % تومەندەدى, دەپ حابارلادى قر ۇلتتىق ەكونوميكا مينيسترلىگىنىڭ ءباسپاسوز قىزمەتىنەن. 2016 جىلدىڭ قاڭتار-جەلتوقسان ايلارىندا قازاقستان رەسپۋبليكاسى مەن ەاەو ەلدەرى اراسىنداعى ساۋدا-ساتتىق 13 583,5 ملن. اقش دوللارىن قۇرادى, بۇل 2015 جىلدىڭ قاڭتار-جەلتوقسانىمەن سالىستىرعاندا 16,8% از.ونىڭ ىشىندە ەكسپورت - 3 917,6 ملن. اقش دوللارىن (23,5% ازايعان), يمپورت 9 665,9 ملن. اقش دوللارىن (13,7% از) قۇرادى. قازاقستان رەسپۋبليكاسى ەكسپورتىنىڭ قۇرىلىمىندا مينەرالدى ونىمدەر (ەاەو ەلدەرىنە جالپى ەكسپورت كولەمىنىڭ 33,4%), مەتالدار مەن مەتالل ونىمدەرى (25,7%), حيميالىق ونەركاسىپ ونىمدەرى (19%), جانۋارلار جانە وسىمدىكتەردەن الىنعان ونىمدەر, دايىن ازىق-ت ۇلىك تاۋارلارى (10,8%) باسىم. ال قازاقستانعا ەاەو ەلدەرىنەن كوبىنە ماشينالار مەن قۇرىلعىلار (ەاەو ەلدەرىنەن كەلەتىن جالپى يمپورتتىڭ 25,8%), مينەرالدى ونىمدەر (16,8%), حيميالىق ونەركاسىپ ونىمدەرى (16,5%), جانۋارلار جانە وسىمدىكتەردەن الىنعان ونىمدەر, دايىن ازىق-ت ۇلىك تاۋارلارى (13,9%), مەتالدار مەن مەتالل ونىمدەرى (12,5%) جەتكىزىلەدى.