كەشە ەلوردا اكىمى اسەت يسەكەشەۆ تۇرعىندار الدىندا ەسەپ بەردى. جيىنعا بارلىق باسقارمالار مەن ۆەدومستۆولار باسشىلارى, ءماسليحات دەپۋتاتتارى, قوعامدىق كەڭەس وكىلدەرى, كوممۋنالدىق قىزمەتتەر جەتەكشىلەرى قاتىستى. قالا باسشىسى الدىمەن وتكەن جىلعى نەگىزگى ەكونوميكالىق كورسەتكىشتەرگە توقتالىپ, ەلباسى نۇرسۇلتان نازارباەۆتىڭ باستاماسىمەن قولعا الىنعان «نۇرلى جول» ينفراقۇرىلىمدى دامىتۋ باعدارلاماسىن ىسكە اسىرۋ بارىسى, شاعىن جانە ورتا بيزنەستى قولداۋ, تەحنولوگيالىق يندۋستريالاندىرۋ شارالارى تۋرالى ايتىپ بەردى.
جۇمىسسىزدىق دەڭگەيى ەڭ تومەنگى كورسەتكىشتە
«پرەزيدەنت بيىل دا حالىققا جولداۋىن جاريا ەتىپ, تاۋەلسىز مەملەكەتىمىزدىڭ ءۇشىنشى جاڭعىرتۋعا اياق باسقانىن مالىمدەدى. ماڭىزدى قۇجات بىزگە جاڭا باعىت بەرىپ, جوسپارىمىزدى ايقىندادى. ارينە, ولاردىڭ بارلىعى استانانىڭ بۇگىنگى دامۋىمەن تۇگەلدەي استاسادى», دەگەن ءا.يسەكەشەۆ باس شاھار ەۋرازيا كەڭىستىگىندەگى ماڭىزدى ورتالىققا اينالۋى تيىستىگىن ايتتى. اكىمدىك اسا وزەكتى وتىنىشتەردى قۇرىلىمداپ, ماسەلەلەردى شەشۋ ءۇشىن الداعى ءۇش جىلعا ناقتى شارالار كەشەنىن ازىرلەگەن. «ءبىز قالانىڭ ءار اۋدانىنا ەگجەي-تەگجەي تالداۋ جۇرگىزدىك. «109», «اكىمدىكتىڭ بىرىڭعاي ەلەكتروندى ءوتىنىشتەر جۇيەسىن» تالدادىق. الەۋمەتتىك نىسانداردى ارالاۋدا, اۋدان اكىمدەرىنىڭ حالىقپەن ەسەپتىك كەزدەسۋلەرىندە, اشىق ەسىك كۇندەرى ءجانە «نۇر وتان» پارتياسى فيليالى شارالارىندا ماعان 50 مىڭنان اسا سۇراق, ءوتىنىش ءتۇستى», دەدى قالا اكىمى. ءا.يسەكەشەۆ قالا حالقىن جۇمىسپەن قامتۋ جانە الەۋمەتتىك قورعاۋ ماسەلەلەرىنە توقتالدى. ءبۇگىندە اكىمدىك اتاۋلى تولەمدەردىڭ وتىزدان اسا ءتۇرىن جۇزەگە اسىرادى. ولار: قوعامدىق كولىكتە جەڭىلدىكپەن ءجۇرۋ, تۇرعىن ءۇي كومەگى, مۇگەدەكتەردى الەۋمەتتىك قولداۋ. قالادا 19 مىڭعا جۋىق جاڭا جۇمىس ورنى قۇرىلدى. جۇمىسسىزدىق دەڭگەيى 4,6 پايىزعا تومەندەگەن. «526 اۆتوبۋس مۇگەدەكتەردى مىنگىزىپ, تۇسىرۋگە ارنايى جاراقتالعان, 956 ايالداما بەكەتى ەدەنى تومەن قوعامدىق كولىك ءۇشىن بەيىمدەلگەن», دەدى قالا باسشىسى.بالاباقشامەن قامتۋ – باستى نازاردا
اكىمنىڭ ايتۋىنشا, بىلتىر 79 مەكتەپكە دەيىنگى ءبىلىم بەرۋ مەكەمەسى پايدالانۋعا تاپسىرىلعان. ونىڭ 3-ءۋى – مەملەكەتتىك بالاباقشا, 44-ءى – جەكەمەنشىك, 32-ءسى – شاعىن ورتالىق. 46 مىڭنان اسا بالا بالاباقشامەن قامتىلعان. 1 قاڭتارداعى جاعداي بويىنشا, مەكتەپكە دەيىنگى ءبىلىم بەرۋ مەكەمەلەرىنە كەزەكتە تۇرعاندار سانى – 33 240 بالا. «بيىل اكىمدىك مەملەكەت-جەكەمەنشىك ارىپتەستىگى شەڭبەرىندە 720 ورىندىق 3 بالاباقشانى, 480 ورىندىق 2 مەملەكەتتىك بالاباقشانى پايدالانۋعا تاپسىرادى», دەگەن ءا.يسەكەشەۆ قاڭتار ايىنان باستاپ مەكتەپكە دەيىنگى ءبىلىم بەرۋ مەكەمەلەرىنە جولدامالاردى اۆتوماتتى تۇردە بەرۋ جۇيەسىن ەنگىزۋ جۇمىستارى ءجۇرىپ جاتقانىن, جەكەمەنشىك بالاباقشالارعا جولدامالار بەرۋ قاناتقاقتى رەجىمدە ىسكە قوسىلعانىن ايتتى. اكىم «بىرىڭعاي مەديتسينالىق اقپاراتتىق Call-ورتالىق» جوباسى ىسكە قوسىلعانىن حابارلادى. «بيىل بۇل قىزمەت تاۋلىك بويعى جۇمىس كەستەسىنە كوشتى. ەندى ازاماتتار «103» بىرىڭعاي ءنومىرى ارقىلى دەنساۋلىق ساقتاۋ بويىنشا بارلىق سۇراقتارىنا جاۋاپ الىپ, دارىگەرگە جازىلا الادى», دەدى قالا باسشىسى. ول پاتسيەنتتىڭ بىرىڭعاي ەلەكتروندى مەديتسينالىق كارتاسىن ەنگىزۋ جوباسى قاناتقاقتى رەجىمدە پىسىقتالعانىن دا جەتكىزدى. بۇل حالىققا كورسەتىلەتىن مەديتسينالىق قىزمەتتىڭ ساپاسىن ارتتىرۋعا ءجانە كوپتەگەن ەمحانالاردا قاعاز قۇجات اينالىمىن الىپ تاستاۋعا ءمۇمكىندىك بەردى. ءا.يسەكەشەۆ حالىقتى باسپانامەن قامتۋدىڭ وتكىر ماسەلەلەرىن ءتۇسىندىردى. 1 قاڭتارداعى جاعداي بويىنشا ءۇي الۋ كەزەگىندە 44 مىڭ ادام تۇر. ونىڭ 6 مىڭنان استامى ءوتكەن جىلى تىركەلگەن. «بىلتىر تۇرعىن ءۇي باعدارلامالارى شەڭبەرىندە 603 پاتەر بەرىلگەن. «نۇرلى جەر» باعدارلاماسى اياسىندا 2021 جىلعا دەيىن 40 مىڭ پاتەر تاپسىرىلماق.«اكىم ەل ءىشىن ارالاۋى كەرەك»
ەسەپتىڭ ەكىنشى بولىگىندە ەكى مىڭعا تارتا تۇرعىن اكىمگە الاڭداتقان ماسەلەلەرى بويىنشا سۇراقتارىن قويدى. وسى ساتتە العاش رەت اكىمدىكتىڭ فەيسبۋك الەۋمەتتىك جەلىسىندەگى رەسمي پاراقشاسىندا تىكەلەي ونلاين-ترانسلياتسيا ءجۇردى. ل.ن.گۋميلەۆ اتىنداعى ەۋرازيا ۇلتتىق جانە س.سەيفۋللين اتىنداعى قازاق اگروتەحنيكالىق ۋنيۆەرسيتەتتەرى بازالارىندا ورناتىلعان ونلاين-بايلانىس ارقىلى جۇزدەن اسا ادام ءا.يسەكەشەۆكە ساۋالدارىن جولدادى. سونىمەن قاتار, كونتسەرت زالدىڭ حوللىندا حالىقپەن كەرى بايلانىستىڭ تيىمدىلىگىن ارتتىرۋعا باعىتتالعان «بەلسەندى ازامات» اكتسياسى ءوتتى. بۇعان قوسا, تۇرعىنداردان جازباشا وتىنىشتەر قابىلداندى. حالىق نەگىزىنەن پيك جۇمىسى, باسپانامەن قامتۋ, دەنساۋلىق ساقتاۋ, ءبىلىم بەرۋ, كولىك جانە ينفراقۇرىلىم بويىنشا سۇراقتار قويدى. ولار كوتەرگەن ماسەلەلەر جاۋاپتى قۇرىلىمدىق مەكەمەلەردىڭ ەرەكشە باقىلاۋىنا الىندى, تۇسىنىكتەمەلەر بەرىلىپ, شەشۋ جولدارى قارالدى. ماسەلەن, ەلوردا تۇرعىندارىنىڭ ءبىرى پەرزەنتحاناداعى ورىن تاپشىلىعىن ءسوز ەتسە, 75 جاستاعى استانالىق اقساقال ءا.يسەكەشەۆكە قالا ءىشىن ارالاپ ءجۇرۋدى داعدىعا اينالدىرۋدى سۇرادى. جارىسسوزدە استانالىق ايەل ءدارى-دارمەكتىڭ قىمباتتىعىن ايتىپ شاعىمداندى. «ونى مۇمكىندىگى شەكتەۋلى جانداردىڭ ساتىپ الۋىنا جاعدايلارى جەتە بەرمەيدى», دەگەن وعان بۇل ماسەلە قالالىق ءماسليحاتتا قارالىپ جاتقانىن جەتكىزدى. جيىن بارىسىندا اكىمنىڭ جۇمىسىنا وڭ باعا بەرگەندەر ءوز تىلەكتەرىن دە ءبىلدىرىپ جاتتى. اسحات رايقۇل, «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»
