باستى باعدار – ساپالى دەڭگەيگە كوتەرىلۋ

«نۇر وتان» پارتياسىنىڭ ورتالىق اپپاراتىندا پارتيانىڭ «قازاقستان-2021: بىرلىك. تۇراقتىلىق. جاسامپازدىق» سايلاۋالدى باعدارلاماسىنىڭ «تسيرفلىق تەحنولوگيالار- دى دامىتۋ جانە مەملەكەتتىك قىزمەتتەردىڭ تيىمدىلىگىن ارتتىرۋ» تاقىرىبىنا ارنالعان «نۇر وتان» پارتياسى جانىنداعى «مەملەكەتتىك قىزمەتتەردى كورسەتۋ» باعىتى بويىنشا كوميسسيانىڭ كەڭەيتىلگەن وتىرىسى ءوتتى. وتىرىستىڭ ماقساتى – «تسيفر­لىق تەحنولوگيالاردى دامىتۋ جانە مەملەكەتتىك قىزمەتتەردىڭ تيىمدىلىگىن ارتتىرۋ تۋرالى» قازاقستان رەسپۋبليكاسى زاڭىنىڭ اتقارىلۋى جونىندەگى ورتالىق جانە جەرگىلىكتى مەملەكەتتىك ورگاندار باسشىلارىنىڭ اقپاراتىن تىڭداۋ. جيىنعا «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد, پارلامەنت ماجىلىسىندەگى «نۇر وتان» پارتياسى فراكتسياسىنىڭ جەتەكشىسى گۇلميرا يسىمباەۆا, وسى ماسەلە بويىنشا پارتيالىق كۋراتور, پارلامەنت ءماجىلىسىنىڭ دەپۋتاتى مايرا ايسينا, اقپارات جانە كوممۋنيكاتسيالار ءمينيسترى داۋرەن اباەۆ, سونداي-اق ەلىمىزدەگى جەتەكشى مينيسترلىكتەر مەن ۇلتتىق كومپانيالاردىڭ باسشىلارى مەن وكىل­دەرى, بارلىق وبلى­ستاعى «نۇر وتان» پارتياسى وبلىس­تىق في­ليالدارى توراعالارىنىڭ ءبىرىن­شى ورىن­باسارلارى مەن وسى سالا­نى ءۇي­لەس­تىرەتىن بارلىق وبلىس اكىم­­دەرىنىڭ ورىنباسارلارى قاتىستى. وتىرىستى اشقان مۇحتار قۇل-مۇحاممەد بيىل ەكى بىردەي تاريحي وقيعا بولعانىن, ونىڭ ءبىرى ەل­باسى­نىڭ ۇندەۋى بولسا, ەكىنشىسى جول­داۋى ەكەنىن اتاپ ءوتتى. «ءبىز استانادا وتىرىپ, باقىلاعان جوقپىز. ءوڭىر­لەرگە تۇگەل بارىپ شىقتىق. دەپۋ­تات­تاردىڭ ءبارى وزدەرىنە بەكىتىل­گەن وڭىرلەردە بولدى. مەن دە ءبىر­قاتار وبلىستى ارالادىم. ولاردىڭ وكىلدەرى بۇگىنگى وتىرىسقا قاتىسىپ وتىر. ەلباسىنىڭ وسى ەكى ۇلكەن تاريحي وقيعاعا نەگىزدەلگەن جول­داۋى مەن بۇگىنگى ءبىزدىڭ كوتەرىپ وتىرعان ماسەلەمىز ءبىر-بىرىمەن وتە بايلانىستى. تاقىرىپتىڭ ءوزى دە سول جولداۋدان تۋىندايدى. ول «تسيفرلىق تەحنولوگيالاردى دامىتۋ جانە مەملەكەتتىك قىزمەت كورسەتۋدىڭ تيىمدىلىگىن ارتتىرۋ» دەپ اتالادى. بۇل ەكەۋى ءبىر-بىرىمەن ساباقتاس دۇنيەلەر. اسىرەسە, ەلباسى ءوزىنىڭ ۇندەۋىندە ەلىمىزدى ساياسي جاعىنان جاڭعىرتۋ ماسەلەسىن العا قوياتىن بولسا, جولداۋدا ەكونوميكالىق جا­عىنان جاڭعىرتۋ, جاڭا تسيفرلىق تەحنو­لوگياعا كوشۋ جانە ونى مەم­لە­كەتتىك قىزمەت كورسەتۋدىڭ بار­لىق تۇرىنە ەنگىزۋ ماسەلەسىن العا قويعان بولاتىن. مىنەكي, بۇل ماسە­لە تەك ءبىر عانا مينيسترلىككە قاتىس­تى ەمەس, بۇل بارلىق مينيستر­لىككە, بارلىق مەملەكەتتىك ورگان­عا, بارلىق وبلىستاعى ءتيىستى مەم­لە­كەت­تىك ورگانداردىڭ وبلىستىق ءبولىم­شەلەرىنە قاتىستى», دەدى پارتيا توراعاسىنىڭ ءبىرىنشى ورىنباسارى. جيىن بارىسىندا مۇحتار ابرار ۇلى پرەزيدەنتتىڭ ۇندەۋدە تەحنولوگيالىق جاڭعىرتۋدى جەدەلدەتە جۇرگىزۋ, سونداي-اق جاڭا ساپالىق دەڭگەيدەگى تسيفرلىق يندۋستريانى دامىتۋ تۋرالى مىندەت قويعانىن جەتكىزدى. «ەلباسى ءوز جولداۋىندا تەحنولوگيالىق جاڭ­عىر­تۋدى جەدەلدەتۋ مەن تسيفر­لىق تەحنولوگيانىڭ تۇتاس يندۋس­تريا­سىن جاساۋدى تاپسىردى. ۇكى­مەتكە «تسيفرلى قازاق­ستان» باع­دارلاماسىن جاساۋدى مىندەت­تەدى. ءبىزدىڭ ەندىگى ماقسا­تىمىز – وسى جوعارى تەحنولوگيا­نى بۇكىل ەلى­مىزدىڭ جانە ءاربىر قازاق­­ستاندىق­تىڭ يگىلىگىنە اينالدىرۋ بولۋى ءتيىس», دەدى پارتيا توراعاسىنىڭ ءبىرىنشى ورىنباسارى. ال داۋرەن اباەۆ بۇگىندە مەملەكەت باسشىسىنىڭ تاپسىرماسى شەڭبەرىندە ەلىمىزدىڭ تەحنولوگيالىق دامۋىنا ايرىقشا نازار اۋدارىلىپ وتىرعانىن جەتكىزدى. سونىمەن قاتار, مينيستر اقپاراتتاندىرۋ ارقىلى مەملەكەتتىك باسقارۋ جۇيەسى وڭتايلاندىرىلعانىن, قىز­مەت­تەردىڭ نەگىزگى بولىگى اۆتوماتتان­دىرىلعانىن, قازاقستاننىڭ بارلىق ءىرى قالالارى جىلدامدىعى جوعارى ينتەرنەتپەن قامتىلعانىن, وتاندىق اقپاراتتىق كەڭىستىك تسيفرلىق تەحنولوگيالار نەگىزىندە جاڭعىرتۋدان وتكەنىن ايتتى. مەملەكەتتىك قىزمەت كورسەتۋ ماسەلەسىنە قاتىستى ءسوز العان مايرا ايسينا: «100 ناقتى قادام» ۇلت جوسپارى شەڭبەرىندە ەسەپ بەرەتىن مەملەكەتتى قالىپتاستىرۋدا 100-قادامدى ەڭ حالىقتىق قادام دەپ ايتۋعا بولادى. سەبەبى, مەم­لەكەتتىك قىزمەت كورسەتۋلەر ازامات­تار تىرشىلىگىنىڭ بارلىق سالاسىن قامتيدى. ال قىزمەتتەردى «ءبىر تەرەزە» قاعيداتى بويىنشا الۋدى ۇكىمەتتىڭ ازاماتتارعا ارنال­عان مەملەكەتتىك كورپوراتسياسى جۇزەگە اسىرادى. بۇگىندە ءبىز پرە­زيدەنتتىڭ مەملەكەتتىك قىزمەتتىڭ بىرىڭعاي پروۆايدەرىن قۇرۋ تۋرالى تاپسىرماسى ورىندالدى دەپ ناقتى ايتا الامىز. تاعى ءبىر ماڭىزدى اسپەكت – مەملەكەت تاراپىنان كورسەتىلىپ جاتقان قىزمەتتەر تۋ­رالى اقپارات تاراتۋ. ءبىز كۇنى كەشە عانا وڭىرلەردە حالىقپەن كەزدەستىك. ازاماتتار مەملەكەتتىك قىزمەتتەر كورسەتۋ جۇيەسىندەگى جاڭالىقتار تۋرالى حاباردار ەمەس ەكەنىن بايقادىق. سوندىقتان, ەل تۇرعىندارى مەملەكەتتىك قىزمەت كورسەتۋلەر ءاربىر قازاقستاندىقتىڭ ءومىرىن جاقسارتۋ ءۇشىن جاسالىپ وتىرعان يگىلىك ەكەنىن ءبىلۋى كەرەك», دەدى. وتىرىس اياسىندا «تسيفرلى قا­زاقستان» جوباسىن جۇزەگە اسى­رۋعا تەك اقپارات جانە كوممۋنيكا­تسيا­لار مينيسترلىگى عانا ەمەس, ۇكىمەت, ۇكىمەتتەگى بارلىق مينيستر­لىك پەن ورگاندار دا جا­ۋاپ بەرە­تىنى ايتىلدى. سوندىقتان, مەملە­كەتتىك ورگانداردىڭ, ۇلتتىق كوم­پا­نيالاردىڭ جانە اكىمدىكتەردىڭ وكىلدەرى پارلامەنتاريلەردىڭ سۇراقتارىنا جاۋاپ بەردى. «نۇر وتان» پارتياسى توراعا­سىنىڭ ءبىرىنشى ورىنباسارى كەز­دە­سۋدى قورىتىندىلاي كەلىپ, تۇتاستاي العاندا, قازاقستاندا مەملەكەتتىك قىزمەت كورسەتۋدىڭ تيىمدىلىگى مەن ساپاسىن ارتتىرۋ بويىنشا كوپ جۇمىس اتقارىلعانىن ايتتى. ءلايلا ەدىلقىزى, «ەگەمەن قازاقستان»