كونستيتۋتسيالىق رەفورما تۋرالى اڭگىمەلەدى

پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا فرانتسيا ۇلتتىق اسسامبلەياسىنىڭ دەپۋتاتى تەري ماريانيمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى. د.نازارباەۆا مەيمانعا پرە­زي­دەنت وكىلەتتىگىنىڭ ءبىر بولىگىن زاڭ شىعارۋ جانە اتقارۋشى بيلىك تار­ماقتارىنا بەرۋدى كوزدەيتىن قازاق­ستانداعى كونستيتۋتسيالىق رەفور­مالار تۋرالى, سونداي-اق ۇكى­مەتتىڭ پارلامەنت الدىندا ەسەپتىلىگىن ارتتىرۋ تۋرالى ءاڭ­گىمەلەدى. بيىلعى جىلعى فران­تسيادا بولاتىن پرەزيدەنت سايلاۋى تۋرالى پىكىر الماسىلدى. ت.مارياني ەۋرازياداعى ين­تەگراتسيالىق ۇردىستەرگە نازار اۋداردى. وسىعان بايلانىس­تى د.نازارباەۆا ەاەو مەن ەۋرو­پالىق وداق اراسىنداعى ۇنقا­تى­سۋدىڭ ورىستەۋىنە ءۇمىت ارتاتى­نىن, ول ەكونوميكالىق, ساۋدا ءجا­نە گۋمانيتارلىق بايلانىستاردى دامىتۋعا وڭ ىقپال ەتەتىنىن جەت­كىزدى. كەزدەسۋ بارىسىندا ەكى مەملەكەت بەتپە-بەت كەلىپ وتىرعان تەر­روريزم ماسەلەسىنە دە نا­زار اۋدارىلدى. د.نازارباەۆا بۇل قاتەرمەن كۇرەس قازاقستاندا قالاي ءجۇرىپ جاتقانى تۋرالى حاباردار ەتتى. فرانتسۋز پارلامەنتشىسى قازاق­ستان مەكتەپتەرىنىڭ تاجىريبەسىن, جاس­تارعا تەرىس ناسيحات جۇرگىزۋدىڭ الدىن الۋعا مۇمكىندىك بەرەتىن تاريح پەن ءدىنتانۋ نەگىزدەرىن وقى­تۋ باعدارلاماسىمەن تانىسۋعا ىقى­لاستى ەكەنىن جەتكىزدى. سونداي-اق, قۇقىقتىق ماسەلەلەر, اتاپ ايت­قاندا, تاياۋ شىعىستاعى تەررو­ريستىك توپتارعا قوسىلعان ادام­دار­دىڭ ازاماتتىعىن شەكتەۋ ءمۇم­كىندىگى دە تالقىلاندى. د.نازارباەۆا فرانتسۋز پار­لامەنت­­شىسىن استانادا وتەتىن ەكسپو-2017 حالىقارالىق كورمە­سىنە كەلۋگە شاقىردى جانە شارا اياسىندا شەتەلدىك كومپا­نيا­لارعا ارنالعان اۋقىمدى ءمۇم­كىن­دىكتەردى اتاپ ءوتتى. ت.ماريا­ني ءوز كەزەگىندە قازاقستاندىق ءارىپ­تەستەرىن 6 ناۋرىزدا پاريجدە وتەتىن «فرانتسيا ايماقتارىنىڭ ورتالىق ازيا ەلدەرىمەن ەكونوميكالىق ىن­تى­ماقتاستىعىنىڭ كەلەشەگى» كونفەرەنتسياسىنا قاتىسۋعا شا­قىردى. د.نازارباەۆا ءبىزدىڭ مەم­لە­كەت­تەرىمىز اراسىنداعى ەكونومي­كالىق بايلانىستارعا قوسىمشا سەرپىن بەرەتىن فورۋمعا سەنات دەلە­گاتسياسىنىڭ قاتىساتىنىن ايتتى.