مامىرعا دەيىن استانا قوعامدىق كولىكتەرى 100% ەلەكتروندى تولەمگە كوشەدى

استانادا قوعامدىق كولىكتەرىن ەلەكتروندى تولەم جۇيەسىنە كوشىرۋ جۇمىستارى جالعاسىن تابۋدا, دەپ مالىمدەدى بۇگىن استانا اكىمى اسەت يسەكەشەۆ ەلوردا حالقىمەن كەزدەسۋىندە. «بيىل مامىر ايىنا دەيىن قوعامدىق كولىكتەردەگى تولەم جۇيەسى تولىعىمەن ەلەكتروندى بولادى. قازىرگى تاڭدا بۇل جۇيەمەن 80 جەڭىلدىكتى ازاماتتار قامتىلعان. ولاردىڭ سانى 61 411 جەڭىلدىك يەلەرى بولسا, تاعى 90 967 مەكتەپ وقۋشىلارىنىڭ كارتالارى بار", - دەدى اكىم. قازىرگى تاڭدا قوعامدىق كولىكتەردىڭ 70 پايىزى, ياعني 622 كولىك ەلەكتروندى تولەم قابىلدايدى. سونىمەن قاتار, ەلوردادا كولىك كەشەنىن باسقارۋدىڭ جاڭا مودەلى قالىپتاستىرىلىپ, بۇل ءوز كەزەگىندە حالىقتىڭ جەكە كولىكتەرىنەن باس تارتۋىنا تۇرتكى بولاتىنى ايتىلدى. ودان بولەك, ۆەلوسيپەد جولى, جاياۋ جۇرگىنشىلەر جولى, تۇراقتار ينفراقۇرىلىمدى ەداۋىر دامىتپاق. سونىمەن قاتار اكىم كولىك كەپتەلىسىن شەشۋ جۇمىستارىنىڭ دا جوسپاردا ەكەنىن ايتتى.